រដ្ឋមន្ត្រីឧស្សាហកម្ម ប្រទេសជប៉ុននឹងបញ្ចេញប្រេងចំនួន ៧,៥លានបារ៉ែលពីទុនបម្រុងឯកជនរបស់ខ្លួន ដែលជាផ្នែកមួយនៃការសម្របសម្រួលដោយទីភ្នាក់ងារថាមពលអន្តរជាតិ (IEA)។
សារព័ត៌មាន CNA បានចុះផ្សាយកាលពីល្ងាចថ្ងៃទី០៦ ខែំមិនា ឆ្នាំ២០២២នេះថា ដើម្បីដោះស្រាយការរំខានផ្នែកផ្គត់ផ្គង់ ក្រោយសង្គ្រាមផ្ទុះនៅប្រទេសអ៊ុយក្រែន សហរដ្ឋអាមេរិកនិងរដ្ឋជាសមាជិកផ្សេងទៀតនៃទីភ្នាក់ងារថាមពលអន្តរជាតិ ។
កាលពេលថ្មីៗនេះ ក្រុមហ៊ុន Exxon Mobil ក៏បានសម្រេចចាកចេញពីគម្រោងប្រេងនិងឧស្ម័ន «Sakhalin-1 ដោយក្នុងនោះក្រុមហ៊ុនជប៉ុនមួយកាន់កាប់ភាគហ៊ុន ៣០ភាគរយ។ ដូច្នេះប្រទេសនេះកំពុងព្យាយាមប្រមូលព័ត៌មានអំពីការប្រកាសខាងលើយ៉ាងម៉ត់ចត់ ដើម្បីវាយតម្លៃផលប៉ះពាល់ទាក់ទិននឹងការផ្គត់ផ្គង់ថាមពល។
ជុំវិញបញ្ហានេះ លោក Hagiuda លើកឡើងថា៖ «ដោយសារការផ្គត់ផ្គង់ប្រេងឆៅ និងតម្រូវការពិភពលោកមិនស្ថិតស្ថេរ គម្រោង «Sakhalin-1» គឺជាគម្រោងដ៏សំខាន់មួយសម្រាប់ប្រទេសជប៉ុន ដែលនាំចូលប្រេងឆៅប្រហែល ៩០ភាគរយ ពីមជ្ឈិមបូព៌ាក្នុងលក្ខខណ្ឌនៃការផ្គត់ផ្គង់ថាមពលដែលមានស្ថិរភាព» ប៉ុន្តែ« ក្រោយការដាក់ទណ្ឌកម្មអន្តរជាតិកាន់តែខ្លាំងប្រឆាំងនឹងរុស្ស៊ី យើងនឹងចាត់វិធានការសមស្របតាមប្រទេស G7 ដោយចាត់ទុកការផ្គត់ផ្គង់ថាមពល និងសន្តិសុខថាមពលប្រកបដោយស្ថិរភាពជាផលប្រយោជន៍ជាតិដែលគួរតែត្រូវបានការពារក្នុងកម្រិតអតិបរមាតាមដែលអាចធ្វើទៅបាន»៕
