លោក ឈិន តៃឈាង នាយកវិទ្យាល័យសម្ដេចឪ ក្រុងសៀមរាប មានប្រសាសន៍នៅថ្ងៃទី៦ខែមេសាឆ្នាំ២០២២នេះថា ការរៀបចំពិធីសង្ក្រាន្ដវិទ្យាល័យសម្ដេចឪខ្ញុំនេះ ធ្វើឡើងជារៀងរាល់ឆ្នាំ ប៉ុន្ដែក្នុងរយៈពីរឆ្នាំមុន មិនបានរៀបចំនោះទេ ដោយសារជំងឺកូវីដ១៩ ។លោកបានបន្ដថា ក្រោយពេលដែលប្រមុខរាជរដ្ឋាភិបាល បានបើកឱ្យមានពិធីចូលឆ្នាំឡើងវិញក្រោយពីបានផ្អាកពីរឆ្នាំកន្លងមក ក្រុមគ្រូបង្រៀនបានរៀបចំពិធីសង្ក្រាន្ដសម្ដេចឪខ្ញុំនេះឡើង ដោយមានកម្មវិធីល្បែងប្រជាប្រិយជាច្រើន រួមមាន ប្រលងចំរៀង វាយក្អម ទាញព្រ័ត្ដ ជិះបាវ លាក់កន្សែង បោះឈូង និងល្បែងប្រជាប្រិយជាច្រើនទៀត ព្រមទាំងមានការបង្កើតផ្សារប្រឌិតនៅក្នុងពិធីនោះផងដែរ ។លោកថា ការបង្កើតសង្ក្រាន្ដគ្រួសារសម្ដេចឪខ្ញុំនេះ មុនពិធីចូលឆ្នាំថ្មីនេះឡើងមានរយៈពេលពីរថ្ងៃ ចាប់ពីថ្ងៃទី៥ដល់ថ្ងៃទី៦ខែមេសានេះ ដោយមានគោលបំណង ថែរក្សាវប្បធម៌ប្រពៃណីខ្មែរ និងដើម្បីឱ្យអតិតសិស្សានុសិស្សដែលធ្លាប់រៀននៅទីនោះ ជួបជុំគ្នា និងចាត់ទុកសាលារៀនសម្ដេចឪជាសាលារៀនរបស់គាត់ជារៀងរហូត។
ជាមួយគ្នានេះ សិស្សានុសិស្ស ពួកគាត់បានសម្ដែងការសប្បាយចិត្ដដែលបានបង្កើតកម្មវិធីសង្ក្រាន្ដគ្រួសារសម្ដេចឪខ្ញុំដើម្បីបង្កើនការសប្បាមុនពិធីចូលឆ្នាំនេះពិតជាធ្វើឱ្យពួកគាត់មានមិត្ដភាព សិស្សជំនាន់មុន និងសិស្សនាថ្មី។ពួកគាត់បានបន្ដថា ក្នុងនាមជាយុវជនជំនាន់ក្រោយគឺមានការគំាទ្រដល់ការបង្កើតការបង្កើតពិធីថែរក្សាប្រពៃណីខ្មែរនេះ ព្រោះក្មេងៗជំនាន់ក្រោយត្រូវថែរក្សាវប្បធម៌ប្រពៃណីខ្មែរខ្លួនឯង។ពួកគាត់អំពាវនាវឱ្យមានការរៀបចំពិធីសង្ក្រាន្ដឆ្នាំថ្មីដើម្បីអបអរនៃពិធីបុណ្យជាតិរបស់ខ្មែរ។
លោក ឈិន តៃឈាង មានប្រសាសន៍ថា បើទោះបី ការជួបជុំគ្នាក្នុងពិធីសង្ក្រាន្ដវិទ្យាល័យគ្រួសារសម្ដេចឪខ្ញុំដែលមានមនុស្សច្រើនកុះករក្ដី ក៍ប៉ុន្ដែពិធីនេះ ត្រូបានរៀបចំវិធានការការពារនូវជំងឺកូវីដ១៩យ៉ាងខ្ជាប់ខ្ជួន ដោយតម្រូវឱ្យអ្នកចូលរួមពិនិត្យកំដៅ ពាក់ម៉ាស់ផងដែរ។លោកសម្ដែងការសប្បាយចិត្ដដែលរាជរដ្ឋាភិបាលបើកឱ្យប្រជាពលរដ្ឋមានការសប្បាយរីករាយនាឱ្យកាសពិធីបុណ្យចូលឆ្នាំថ្មីប្រពៃណីខ្មែរខាងមុខនេះ៕
អត្ថបទ និង រូបភាព៖ លោក បូ សាវី
