គម្រោងសាងសង់ផ្លូវមេតុងអាមេ ក្នុងឃុំចំនួន២ ក្នុងស្រុកប្រាសាទបាគង ខេត្តសៀមរាប គឺឃុំបាគង និងឃុំរលួស ដែលជាគម្រោងមូលនិធិឃុំ ឆ្នាំ២០២៣ ត្រូវបានប្រកាសបញ្ចប់ការដេញថ្លៃជាស្ថានពរ នៅថ្ងៃទី២៩ ខែមីនា ឆ្នាំ២០២៣ ដោយមានការចូលរួមពីមន្ត្រីបច្ចេកទេសសាលាខេត្តសៀមរាប មន្ត្រីបច្ចេកទេសស្រុក គណៈកម្មការលទ្ធកម្មឃុំទាំង២ និងក្រុមហ៊ុនម៉ៅការចំនួន៤ ហើយសម្រាប់សំណើដេញថ្លៃដែលឈ្នះ គឺជាសំណើដេញថ្លៃដែលមានសុពលភាព និងបានដាក់តម្លៃដេញថ្លៃទាបជាងគេបំផុត។
លោក យន់ វន់ ប្រធានគណៈកម្មការលទ្ធកម្មឃុំបាគង បានឲដឹងថាគណៈកម្មការលទ្ធកម្មឃុំ បានដាក់ឲដេញថ្លៃ សាងសង់ផ្លូវបេតុអាមេ ទទឹង៥ម៉ែត្រ កម្រាស់០.១៥ម៉ែត្រ ប្រវែង ១៦២ម៉ែត្រ និងស្លាកសញ្ញាគម្រោង១ និងលូការពារផ្លូវ១កំផ្លេ ស្ថិតនៅភូមិស្ទឹង និងភូមិតាភោក ឃុំបាគង ស្រុកប្រាសាទបាគង ក្នុងតម្លៃប៉ានស្មាន ១០៣,៨១០,៥០០រៀល។ បន្ទាប់ពីបានពិនិត្យ និងវាយតម្លៃលើសំណុំឯកសារដំណើរដេញថ្លៃរបស់អ្នកទទួលការ ក្នុងនោះលទ្ធផលបានទៅលើ ក្រុមហ៊ុនហ៊តហៀត ក្នុងទឹកប្រាក់ចំនួន ១០២.៧១០.០០០រៀល។
ព័ត៌មានជាតិ ថ្មីៗ
ដោយឡែកលោក អុំ វ៉ុង ប្រធានគណៈកម្មការលទ្ធកម្មឃុំរលួស បានឲដឹងថាគណៈកម្មការលទ្ធកម្មឃុំរលួស ដាក់ឲដេញថ្លៃ សាងសង់ផ្លូវបេតុអាមេ ទទឹង៥ម៉ែត្រ ប្រវែង១៨១ម៉ែត្រ ក្នុងភូមិដូនទាវ ឃុំរលួស ស្រុកប្រាសាទបាគង ក្នុងតម្លៃប៉ានស្មាន ១០៨.២៥២.៣០០រៀល ជាលទ្ធលផលបានទៅលើក្រុមហ៊ុន ហ៊តហៀត ទទួលបានតម្លៃទាបទី១ ក្នុងទឹកប្រាក់ចំនួន ១០៧.២០០.០០០រៀល។
ជាមួយគ្នាលោក ហ៊ត ហៀត មកពីក្រុមហ៊ុន ហ៊ត ហៀត ដែលបានដេញថ្លៃតម្លៃទាបទី១ នៅគម្រោងសាងសង់ផ្លូវមេតុងអាមេ ទាំងពីរឃុំ បានធ្វើការប្ដេជ្ញាចិត្ត ដោយសន្យាឲ្យបានត្រឹមត្រូវតាមក្បួនច្បាប់បច្ចេកទេស ដូចមានចែងក្នុងកិច្ចសន្យាស្រាប់៕
អត្ថបទ និងរូបភាព៖ លោក ធន់ ពូថេ
កែសម្រួល៖ លោក អ៊ុន ណារាជ្យ
