ប្រធានគណៈកម្មការរបស់សហព័ន្ធរុស្ស៊ី(សភាជាន់ខ្ពស់) លោកស្រី Valentina Matviyenko បាន ប្រាប់ក្រុមអ្នកយកព័ត៌មានកាលពីថ្ងៃអង្គារ បន្ទាប់ពីកិច្ចប្រជុំជាមួយប្រធាន សភា ជាន់ខ្ពស់(រដ្ឋសភា) លោក Mustafa Sentop ថា គណៈប្រតិភូជាតិរុស្ស៊ី និងតួកគីបាន ត្រៀមរៀបចំសម្រាប់កិច្ចសហប្រតិបត្តិការស្ថាបនា នៅក្នុងសភានៃក្រុមប្រឹក្សាអឺរ៉ុប(PACE)។លោកស្រីបាននិយាយថា យើងបានពិភាក្សាគ្នាអំពីកិច្ចសហប្រតិបត្តិការទ្វេភាគី និង កិច្ចខិតខំប្រឹងប្រែងសម្របសម្រួលរបស់យើង លើវេទិកាសភាអន្តរជាតិ ជាពិសេសយើងប្តេជ្ញា បង្កើតកិច្ចសហប្រតិបត្តិការស្ថាបនា រវាងគណៈប្រតិភូជាតិនៅក្នុងសភានៃក្រុមប្រឹក្សាអឺរ៉ុប (PACE) ។ មានរឿងជាច្រើនត្រូវផ្លាស់ប្តូរនៅទីនោះ។
លោកស្រី Matviyenko បានកត់សម្គាល់ថា ទំនាក់ទំនងរវាងរដ្ឋសភារវាងរុស្ស៊ី និង តួកគី កាន់តែខ្លាំងឡើងកាលពីពេលថ្មីៗនេះ ដើម្បីទទួលបានគុណភាពថ្មី។
នៅចុងបញ្ចប់នៃកិច្ចប្រជុំនេះ លោកស្រី Matviyenko និងលោក Sentop បានចុះ ហត្ថលេខា លើបទបញ្ជារបស់គណៈកម្មការអន្តរសភាជាន់ខ្ពស់ទ្វេភាគី។ វាមិនត្រឹមតែការចុះ ហត្ថលេខាលើឯកសារជាផ្លូវការទេ វាគឺជាគណៈកម្មាការថ្នាក់ខ្ពស់មួយ ទាំងនេះជាការចង្អុរ បង្ហាញ ពី កិច្ចសហប្រតិបត្តិការរបស់យើងបានឈានដល់កម្រិតថ្មី។
លោកស្រីបានសង្កត់ ធ្ងន់ ថា កិច្ចសហប្រតិបត្តិការ រវាងសភាសហព័ន្ធរុស្សី និងសភា តួកគី នឹងស្ថិតនៅក្រោមការត្រួតពិនិត្យផ្ទាល់ខ្លួនរបស់សមាជិក នៃសភាទាំងពីរ នៃសភារុស្ស៊ី និង អ្នកគាំទ្រសភាតួកគី។ លោក Matviyenko បាននិយាយថា យើងនឹងជួបប្រជុំគ្នាយើង ទាំងបី ដើម្បីកំណត់នូវអនាគតនៃកិច្ចសហប្រតិបត្តិ ការ។ ខ្ញុំជឿជាក់ថា នេះជាដំណាក់កាល ប្រវត្តិ សាស្ត្រ ជាក់លាក់មួយក្នុងការអភិវឌ្ឍកិច្ចសហប្រតិបត្តិការសភារុស្ស៊ី-តួកគី៕
ប្រភព TASS: បកប្រែដោយលោក មាស សំអុល
