ក្រសួងការបរទេសអាម៉េរិកបាននិយាយកាលពីថ្ងៃអង្គារថា លោកប្រធានាធិបតីកូរ៉េ ខាង ត្បូងលោក មូន ចា-អ៊ិន(Moon Jae-in) និងប្រធានាធិបតីអាម៉េរិកលោក ដូណាល់ ត្រាំ (Donald Trump) បានអះអាងសារជាថ្មីឡើងវិញនូវការប្តេជ្ញាចិត្តរបស់ពួកគេ ចំពោះសម្ព័ន្ធមិត្ត ទ្វេភាគី នឹងការ បញ្ចប់ការធ្វើមិនឱ្យមានអាវុធនុយក្លេអ៊ែរ ដែលបានផ្ទៀង ផ្ទាត់យ៉ាងពេញលេញ នៅកូរ៉េខាង ជើង ក្នុងអំឡុងពេលកិច្ចប្រជុំកំពូលរបស់ពួកគេនៅក្នុងទីក្រុងសេអ៊ូលកាល ពីចុង សប្តាហ៍កន្លងទៅនេះ។ដំណើរទស្សនកិច្ចរយៈពេលពីរថ្ងៃរបស់លោក Trump ទៅកាន់ប្រទេសកូរ៉េខាងត្បូង បាន ធ្វើឱ្យមានការកត់សម្គាល់ពីដំណើរទស្សនកិច្ចដែលមិនបានគ្រោងទុក ព្រមទាំងមានកិច្ចចរចាលើកទី៣ ជាមួយមេដឹកនាំកូរ៉េខាងជើងលោក គីម ជុង-អ៊ុន ដែលបានបង្កើតកិច្ចព្រមព្រៀងមួយ ដើម្បីបន្តកិច្ចចរចាថ្នាក់ការងារស្តីពីការរំសាយអាវុធនុយក្លេអ៊ែរនៅកូរ៉េខាងជើង នឹងការបោះជំហានទៅមុខរបស់លោក ទៅលើព្រំដែនអន្តរកូរ៉េ ដើម្បីក្លាយជាប្រធានាធិបតី អាម៉េរិកទីមួយដែលបានជាន់ទឹកដីកុម្មុយនីស្តមួយនេះ។
លោក Moon នឹង Trump បានធ្វើកិច្ចចរចាកាលពីថ្ងៃអាទិត្យ មុនពេលធ្វើដំណើររួមគ្នា ទៅកាន់តំបន់គ្មានយោធាដែលបានបែងចែកកូរ៉េខាងទាំងពីរ សម្រាប់កិច្ចប្រជុំត្រីភាគី ជាប្រវត្តិ សាស្ត្រជាមួយលោក គីម។
នៅក្នុងសេចក្តីថ្លែងការណ៍មួយ ក្រសួងការបរទេសបាននិយាយថា មេដឹកនាំទាំងពីរ បានអះអាងនូវចំណងមិនអាចបំបែកបានរវាងប្រទេសយើងទាំងពីរ នឹងបានប្តេជ្ញាពង្រឹង ទំនាក់ ទំនងទ្វេភាគីរបស់យើងបន្ថែមទៀត។ ចំពោះកូរ៉េខាងជើង ពួកគេបាន សង្កត់ ធ្ងន់ លើ តម្រូវ ការដើម្បីបន្តការសម្របសម្រួលយ៉ាងជិតស្និទ្ធ។
ក្រសួងការបរទេសបាននិយាយថា «ភាគីទាំងពីរបានបញ្ជាក់ឡើងវិញនូវការប្តេជ្ញាចិត្ត របស់ខ្លួន ក្នុងការសម្រេចឱ្យបាននូវការបញ្ចប់ការធ្វើមិនឱ្យមាននុយក្លេអ៊ែរនុយក្លេអ៊ែររបស់កូរ៉េខាងជើង នឹងការអនុវត្តពេញលេញនៃដំណោះស្រាយរបស់ក្រុមប្រឹក្សាសន្តិសុខអង្គការ សហប្រជាជាតិទាក់ទងនិងកូរ៉េខាងជើង » ដោយកត់សម្គាល់ថា ការដាក់ទណ្ឌកម្មអន្តរជាតិ បាន ដាក់លើទីក្រុងព្យុងយ៉ាងសម្រាប់កម្មវិធីនុយក្លេអ៊ែរ និងមីស៊ីលផ្លោងរបស់ខ្លួន ។
លោក Trump នៅតែប្តេជ្ញាក្នុងការសម្រេចឱ្យបាននូវគោលដៅ ដែលលោក និង លោក គីម ព្រមព្រៀងគ្នានៅក្នុងជំនួបលើកដំបូងរបស់ខ្លួននៅប្រទេសសិង្ហបុរីកាលពីខែមិថុនា ឆ្នាំ២០១៨ រួមទាំងការផ្លាស់ប្តូរទំនាក់ទំនងទ្វេភាគី ការកសាងសន្តិភាពយូរអង្វែង នឹងការលុប បំបាត់ នុយក្លេអ៊ែរទាំងស្រុងនៅប្រទេសកូរ៉េខាងជើង៕
ប្រភព យន់ហាប់: បកប្រែដោយលោក មាស សំអុល
