ថ្ងៃទី០២ ខែកញ្ញា ឆ្នាំ ២០១៨ សមត្ថកិច្ច បានបញ្ចូនជនសង្ស័យចំនួន ៤នាក់ ទៅសាលាដំបូងខេត្តសៀមរាប ពាក់ព័ន្ធនឹងករណីរក្សាទុក ជួញដូរ និងចាត់ចែងឲ្យប្រើប្រាស់ នូវសារធាតុញៀនខុសច្បាប់។ ជនសង្ស័យដែលសមត្ថកិច្ច ឃាត់ខ្លួនបានមាន៖
១.ឈ្មោះ ណន ស៊ីឌីន ភេទប្រុស ឆ្នាំកំណើត ១៩៨០ មុខរបរលក់មាន់ ទីលំនៅភូមិតាវៀន សង្កាត់សាលាកំរើក ក្រុងសៀមរាប ខេត្តសៀមរាប ពាក់ព័ន្ធករណី រក្សាទុក ជួញដូរ និងប្រើប្រាស់
២.ឈ្មោះ ធី ណារិន ភេទប្រុស ឆ្នាំកំណើត ១៩៩៥ មុខរបរគ្មាន ទីលំនៅភូមិជ្រៃខាងជើង ឃុំកៀនសង្កែ ស្រុកសូទ្រនិគម ខេត្តសៀមរាប ពាក់ព័ន្ធករណី សមគំនិតជួញដូរ និងប្រើប្រាស់
៣.ឈ្មោះ ធឿន ស្រីពេជ្រ ភេទស្រី ឆ្នាំកំណើត ១៩៩៨ មុខរបរគ្មាន ទីលំនៅភូមិបឹងដូនប៉ា សង្កាត់ស្លក្រាម ក្រុង ខេត្តសៀមរាប ពាក់ព័ន្ធករណី សមគំនិតជួញដូរ និងប្រើប្រាស់
៤.ឈ្មោះ សុខ ស្រីខួច ភេទស្រី ឆ្នាំកំណើត ២០០១ មុខរបរគ្មាន ទីលំនៅភូមិតាវៀន សង្កាត់សាលាកំរើក ក្រុង ខេត្តសៀមរាប ពាក់ព័ន្ធករណី សមគំនិតជួញដូរ និងប្រើប្រាស់
ជនសង្ស័យទាំង ៤នាក់ខាងលើ ត្រូវកំលាំងសមត្ថកិច្ច ការិយាល័យ ប្រឆាំងគ្រឿងញៀន ចូលរួមសហការពីកំលាំងផ្នែកប្រឆាំងគ្រឿងញៀន នៃអធិការដ្ឋាននគរបាលក្រុងសៀមរាប និងកំលាំងប៉ុស្តិ៍នគរបាលរដ្ឋបាលសង្កាត់សាលាកំរើក ឃាត់ខ្លួនបាន ថ្ងៃទី០១ ខែកញ្ញា ឆ្នាំ២០១៨ វេលាម៉ោង០៨ព្រឹក នៅបន្ទប់ជួលស្ថិតនៅក្រុមទី០២ ភូមិតាវៀន សង្កាត់សាលាកំរើក ក្រុង ខេត្តសៀមរាប ។ ក្នុងប្រតិបត្តិការនេះ សមត្ថកិច្ចដកបាន វត្ថុតាង ម្សៅមេតំហ្វេតាមីន ប្រភេទទឹកកកចំនួន ៣២កញ្ចប់ ស្មើនឹងទំងន់៦,២ក្រាម(ទំងន់សុទ្ធ) ជញ្ជីងថ្លឹងគ្រឿងសារធាតុញៀនចំនួន០១គ្រឿង ទូរស័ព្ទដៃចំនួន០៥គ្រឿង ឧបករណ៍ប្រើប្រាស់ និងសម្ភារវេចខ្ចប់គ្រឿង ញៀនមួយចំនួន។
អត្ថបទ និង រូបថត ៖ លោក ថាច់ ពិសុទ្ធ និង លោក គឿន វេត
កែសម្រួលអត្ថបទ ៖ លោក សេង ផល្លី
