ទីភ្នាក់ងារព័ត៌មានមជ្ឈិមកូរ៉េផ្លូវការ ( KCNA ) បានរាយការណ៍កាលពីថ្ងៃអង្គារថា លោក គីម ជុង អ៊ុន មេដឹកនាំកំពូលកូរ៉េខាងជើង កាលពីពេលថ្មីៗនេះ បានធ្វើការត្រួតពិនិត្យមើលនៅនឹងកន្លែងនាវាមុជទឹកមួយ ដែលទើបសាងសង់ថ្មី ។
នាវាមុជទឹកនេះនឹងអនុវត្តន៍ភារកិច្ចរបស់ខ្លួនក្នុងដែនទឹកធ្វើប្រតិបត្តិការនៃសមុទ្រខាងកើតរបស់កូរ៉េហើយ ការដាក់ពង្រាយធ្វើប្រតិបត្តិការរបស់ខ្លួនជិតត្រូវបានគេបញ្ចប់ ហើយ ។
តាម KCNA ឱ្យដឹងថា លោក គីម បានសម្តែងនូវការពេញចិត្តយ៉ាងខ្លាំងចំពោះការពិតដែលថា នាវាមុជទឹកនេះត្រូវបានគេរៀបចំនិងសាងសង់ឡើង ដែលមានសមត្ថភាពធ្វើការអនុវត្តបានទាំងស្រុងនូវចេតនាជាយុទ្ធសាស្ត្រយោធានៅក្រោមកាលៈទេសៈផ្សេងៗ ។
សេចក្តីរាយការណ៍បានឲ្យដឹងថា សមត្ថភាពប្រតិបត្តិការនៃនាវាមុជទឹក មួយគ្រឿងនេះ គឺជាសមាសភាគយ៉ាងសំខាន់ក្នុងកិច្ចការពារជាតិរបស់ប្រទេសនេះ ហើយលោក គីម បានសង្កត់ធ្ងន់ថា នាវាមុជទឹកដ៏ខ្លាំងមួយនេះ គឺជាការបង្ហាញឱ្យឃើញមួយទៀត នូវការអភិវឌ្ឍយ៉ាងលឿននៃ ឧស្សាកម្មការពាររបស់កូរ៉េខាងជើង ហើយនាវានេះ នឹងអាចជួយក្នុងការធ្វើការអភិវឌ្ឍគ្រឿងសព្វាវុធ និងគ្រឿងសម្ភារក្រងនាវាចរដូចជានាវាមុជទឹកនេះជាដើម ។
( ប្រភព ស៊ីនហួ បកប្រែដោយលោក ប៉ិន មឿន )
