នៅព្រឹកថ្ងៃទី ០៦ ខែ កញ្ញា ឆ្នាំ២០១៨នេះ នៅលេខាធិការដ្ឋានរៀបចំការបោះឆ្នោតខេត្តសៀមរាប បានបើកវគ្គបណ្តុះបណ្តាលមួយជូនដល់មន្ត្រីនៃលេខាធិការដ្ឋានរៀបចំការបោះឆ្នោត គណបក្សនយោបាយ និង អង្គការមិនមែនរដ្ឋាភិ បាល ស្តីពីការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០១៨។
លោក ពៅ សាខន អនុប្រធានលេខាធិការដ្ឋាន រៀបចំការបោះឆ្នោតខេត្តបានមានប្រសាសន៍ថា គោលបំណងនៃវគ្គបណ្ដុះបណ្ដាលនេះ គឺដើម្បីផ្តល់ជូននូវការយល់ដឹង ឲ្យកាន់តែច្បាប់លាស់ អំពីនីតិវិធី នៃការអនុវត្តការពិនិត្យបញ្ជីឈ្មោះ និង ការចុះឈ្មោះបោះឆ្នោតប្រចាំឆ្នាំ ពិសេសការធ្វើបច្ចុប្បន្នភាពនៃបញ្ជីឈ្មោះបោះឆ្នោត តាមប្រព័ន្ធកុំព្យូទ័រ សំដៅធានាឲ្យមានគុណភាព និង ប្រសិទ្ធភាពការងារ និង ការចូលរួមសហការអនុវត្ត តាមតួនាទី និងភារកិច្ចរបស់មន្ដ្រីជំនាញ់ ដើម្បីឲ្យការពិនិត្យបញ្ជីឈ្មោះ និង ការចុះឈ្មោះបោះឆ្នោត ប្រព្រឹត្តទៅដោយ រលូន និង ទទួលបានជោគជ័យ ស្របតាមច្បាប់ បទបញ្ជា និង នីតិវិធី ប្រតិទិនការងារដែលបានកំណត់ ។
លោក ពៅ សាខន មានប្រសាសន៍បន្តថា វគ្គបណ្ដុះបណ្ដាលនេះ ក៏មានការលើកឡើងនូវគោលការណ៍សំខាន់ៗ នៃបទបញ្ជា និងនិតិវិធី នៃការអនុវត្តការពិនិត្យបញ្ជីឈ្មោះ និងការចុះឈ្មោះបោះឆ្នោតប្រចាំឆ្នាំសម្រាប់អនុវត្តការងារមួយ ដោយបានផ្ដោតសំខាន់លើប្រធានបទសំខាន់ៗចំនួនពីរ នៃមេរៀនផងដែរ។
លោកបន្តថា បន្ទាប់ពីបញ្ចប់វគ្គបណ្តុះបណ្ដាលនេះ លោកសង្ឃឹមជឿងជាក់ថា វានឹងអាចផ្តល់នូវចំណេះដឹងថ្មីៗបន្ថែម ទៀត ដល់មន្ត្រីបង្គោលទាំងអស់ ដើម្បីជាមូលដ្ឋានក្នុងការចូលរួមអនុវត្តការងារពិនិត្យបញ្ជីឈ្មោះ និង ការចុះឈ្មោះបោះឆ្នោត នៅតាមឃុំ សង្កាត់ ប្រកបដោយប្រសិទ្ធភាពខ្ពស់។
សូមបញ្ចាក់ថា វគ្គបណ្ដុះបណ្ដាលនេះក៏មានការចូលរួមពីសំណាក់លោកអគ្គនាយករងនៃគណៈកម្មាធិការជាតិរៀបចំការបោះឆ្នោត ព្រមទាំងសមាជិកក្រុមប្រឹក្សាខេត្ត មន្ត្រីនៃមន្ទីរអង្គភាពក្នុងខេត្ត កងកម្លាំងប្រដាប់អាវុធទាំងបី គណបក្សនយោបាយ អង្គការអ្នកសង្កេតការណ៍ជាតិ មន្ត្រីលេខាធិការដ្ឋានរៀបចំការបោះឆ្នោតខេត្ត សរុបចំនួន ៤៧នាក់ ។
គឿន វេត
