តួលេខថ្មីបំផុតដែលផ្សាយដោយប្រទេសមីយ៉ាន់ម៉ា បាននិយាយពីថ្ងៃអាទិត្យថ្ងៃទី១១ ខែសីហា ឆ្នាំ២០១៩ម្សិលមិញនេះថា ចំនួនអ្នកស្លាប់ពីការបាក់ដីដោយភ្លៀងមូសុងបានឡើងទៅដល់៥១នាក់រហូតហើយមកដល់ពេលនេះ នៅក្នុងរដ្ឋមន របស់ប្រទេសមីយ៉ាន់ម៉ា ។
មន្ត្រីនាយកដ្ឋានម្នាក់បានប្រាប់ទីភ្នាក់ងារព័ត៌មានចិនស៊ីនហួថា ប្រតិបត្តិការរុករក និងជួយសង្គ្រោះត្រូវបានគេធ្វើឡើងតាមរយៈការប្រើប្រាស់គ្រឿងម៉ាស៊ីន ស្វែងរកអ្នកនៅរស់ដូចជាការប្រើ Thermal Imaging Camera ( TIC ) ព្រមទាំង Leader Hasty ជាដើម ។
ចំហៀងភ្នំ នៃភ្នំ Ma-lat បានបាក់ដោយសារភ្លៀងមូសុងយ៉ាងខ្លាំងនៅម៉ោង៧ព្រឹក ម៉ោងក្នុងស្រុកកាលពីថ្ងៃសុក្រទី០៩ ខែសីហានេះ។ ពួកអ្នកស្រុក លំនៅឋាន និងរថយន្តត្រូវបានកប់បាត់ដោយគំនរភក់ចាស់ និងថ្មី ដែលកើតមកពីការបាក់ចំហៀងភ្នំនេះ ។ ភ្លៀងមូសុងដ៏ខ្លាំងនេះបានបោកបក់លើ ទីក្រុង Paung ,Mawlamyine , Mudon ,Thanbyuzayat ,Kyaikmaraw និង ye ហើយត្រូវបានជន់លិច រីឯសាលារៀនមួយចំនួនត្រូវបានបិទជាបណ្តោះអាសន្ននៅក្នុងទីក្រុង Paung ចាប់តាំងពីព្រឹកថ្ងៃសុក្រនោះផងដែរ ៕
ប្រភព៖ AKP
ប្រែសម្រួល: ប៊ុនមឿន
