ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២១ ខែសីហា ឆ្នាំ២០១៩នេះថា ទីភ្នាក់ងារព័ត៌មានជាតិ របស់ប្រទេសក្រិច AMNA បានរាយការណ៍កាលពីថ្ងៃអង្គារថា មនុស្ស៣នាក់បានស្លាប់ នៅគ្រាដែលឧទ្ធម្ភាគចក្រ ឯកជន១គ្រឿង បានធ្លាក់នៅតំបន់សមុទ្រ នៅកោះ Poros កាលពីថ្ងៃអង្គារ ។
សាកសពទាំងនោះ ក្នុងចំណោមនោះមានជនជាតិរុស្ស៊ី ចំនួន២នាក់ នៅលើយន្តហោះ ដែលបានរកឃើញ នៅក្នុងការប៊ីន ទន្ទឹមនឹងនេះដែរ អ្នកបើកបរ ត្រូវបានគេទាញចេញសាកសព ដែលពីឡុតជនជាតិក្រិច ។ លោក Yannis Dimitriadis អភិបាលខេត្ត គ្រប់គ្រងលើកោះនោះបានថ្លែងដូច្នេះ ។
ដំបូងឡើយ មិនដឹងច្បាស់ថា មានមនុស្សប៉ុន្មាននាក់នោះទេដែលនៅលើឧទ្ធម្ភាគចក្រនោះ ដែលជាអ្នកកម្សាន្តនៅតំបន់នៃក្រុងអាតែន ។ នៅពេលយន្តហោះបានឆេះដោយខ្សែភ្លើង ក្រោយពីបានហោះហើរក្នុងរយៈពេលខ្លីប៉ុណ្ណោះ ។
សាក្សីជាច្រើនបានប្រាប់ដល់ក្រុមអ្នកសារព័ត៌មានរបស់ក្រិច ERT អំពីការផ្ទុះឆេះ នៅមុនពេលយន្តហោះបានធ្លាក់ចូលក្នុងទឹក ប្រមាណ២ទៅ៣ម៉ែត្រពីតំបន់ឆ្នេរសមុទ្រ ៕
ប្រភព ៖ដើមអំពិល
ប្រែសម្រួលដោយ៖ ម៉ៅ បុប្ផាមករា
