នាពេលថ្មីៗនេះ យោធានៃប្រទេសរុស្ស៊ី បាននិយាយថា សហរដ្ឋអាមេរិក បានធ្វើការវាយប្រហារតាមអាកាស នៅក្នុងទីក្រុង Idlib ប្រទេសស៊ីរី ដោយគ្មានជូនដំណឹង ជាមុនដល់ទីក្រុងមូស្គូ ឬក៏ទីក្រុងអង់ការ៉ា ធ្វើឲ្យប៉ះពាល់ដល់បទឈប់បាញ់គ្នានៅទីនោះ។
ទីភ្នាក់ងារសារព័ត៌មានរុស្ស៊ី ឈ្មោះ TASS បានដកស្រង់សម្តីរបស់ក្រសួងការពារជាតិរុស្ស៊ី ដែលនិយាយថា ការវាយប្រហារដោយខ្ជះខ្ជាគ្មានការយកចិត្តទុកដាក់ នៅក្នុងតំបន់គ្មានភាពតានតឹងបែបនេះ គឺបំពានដល់កិច្ចព្រមព្រៀងពីមុននានា និងបង្កឲ្យមានជនរងគ្រោះជាច្រើន។
គួរបញ្ជាក់ថា កាលពីថ្ងៃសៅរ៍សប្ដាហ៍មុន ទីបញ្ជាការកណ្ដាលសហរដ្ឋអាមេរិក ដែលជាផ្នែកនៃក្រសួងការពារជាតិ បាននិយាយថា កងកម្លាំងសហរដ្ឋអាមេរិក បានធ្វើការវាយប្រហារទៅលើទីតាំងអគារពួកអាល់កៃដាមួយ នៅក្នុងទីក្រុង Idlib ដែលជាការវាយប្រហារមួយ មានគោលដៅលើថ្នាក់ដឹកនាំអាល់កៃដា៕
ប្រភព ៖ដើមអំពិល
ប្រែសម្រួល៖ប៉ាង កុង
