នាព្រឹកថ្ងៃទី០៨ ខែកញ្ញា ឆ្នាំ២០១៩ ក្រោមអធិបតីភាព ឯកឧត្តម ពិត ចំណាន រដ្ឋលេខាធិការប្រចាំការក្រសួងអប់រំ យុវជន និងកីឡា លោក ពៅ ពិសិដ្ឋ អភិបាលរងខេត្ត និងជាតំណាង ឯកឧត្តម ទៀ សីហា អភិបាល នៃគណ:អភិបាលខេត្តសៀមរាប លោក សាដាអ៊ូម៉ា អាឡាម (Sardar Umar Alam ) ប្រធានអង្គការយូណេស្កូប្រចាំនៅប្រទេសកម្ពុជា និងវត្តមានឯកឧត្តម លោកជំទាវ គណ:ប្រតិភូក្រសួងអប់រំ យុវជន និងកីឡា តំណាងក្រសួងស្ថាប័នពាក់ព័ន្ធ ប្រធានមន្ទីរអប់រំ យុវជន និងកីឡាមកពីបណ្ដាខេត្តទាំង២៥ ,ថ្នាក់ដឹកនាំគ្រប់លំដាប់ថ្នាក់នៅក្នុងខេត្ត អភិបាល អភិបាលរងក្រុង ស្រុក និងមន្ត្រីរាជការ ព្រមទាំងសិស្សានុសិស្ស កាយរិទ្ធ សហភាពសហព័ន្ធយុវជនកម្ពុជានិងខេត្តសៀមរាប យុវជនកបាទក្រហមកម្ពុជាខេត្ត សរុបប្រមាណជា១,៨០០នាក់ បានចូលរួម ។
នៅឆ្នាំ២០១៩នេះ ទិវាអក្ខរកម្មជាតិ ៨កញ្ញា ត្រូវបានប្រារព្ធឡើងក្រោមប្រធានបទ ” អក្ខរកម្មផ្សារភ្ជាប់នឹងជំនាញមុខរបរ ” ដែលជាចក្ខុវិស័យអភិវឌ្ឍន៍ប្រជាពលរដ្ឋកម្ពុជាគ្រប់រូបឲ្យទទួលបានឱកាសពេញមួយជីវិត គ្រប់ពេលវេលា គ្រប់ទីកន្លែង និងគ្រប់មធ្យោបាយប្រកបដោយវិជ្ជាសម្បទាបំណិន ចរិយាសម្បទា និងគុណសម្បទា ដើម្បីរួមចំណែកបង្កើនសេដ្ឋកិច្ចជាតិ និងសុខដុមជីវិតបុគ្គល និងសង្គម ។ ជារៀងរាល់ឆ្នាំ នៅជុំវិញពិភពលោកក៏បានប្រារព្ធទិវាអក្ខរកម្មនេះ ក្នុងថ្ងៃទី៨ ខែកញ្ញា ដូចគ្នាផងដែរ ។
អត្ថបទ: ប្រធានមន្ទីរ
ព័ត៌មានជាតិ ថ្មីៗ
