ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មាន ឲ្យដឹងនៅថ្ងៃទី៩ ខែកញ្ញា ឆ្នាំ២០១៩ថា ក្រុមហ៊ុនអាកាសចរណ៍ British Airways បានឲ្យដឹងនៅថ្ងៃច័ន្ទទី ៩ ខែកញ្ញានេះថា ក្រុមហ៊ុនបានលុបចោលជើងហោះហើរ ស្ទើរតែទាំងអស់ នៅពេលដែលអ្នកបើកយន្តហោះ បានចាប់ផ្តើមធ្វើកូដកម្ម រយៈពេល៤៨ម៉ោង ។
ក្រុមហ៊ុនដឹកជញ្ជូន ប្រើទង់ជាតិចក្រភពអង់គ្លេស និងអ្នកបើកយន្តហោះចំនួន៤.៣០០ នាក់របស់ខ្លួន ត្រូវបានជាប់គាំង នៅក្នុងរឿងជម្លោះប្រាក់ខែ រយៈពេល៩ខែ ដែលអាចរំខាន ឬផ្លាស់ប្តូរផែនការ ធ្វើដំណើររបស់អ្នកដំណើរជិត ៣០ម៉ឺននាក់ ។
គួរបញ្ជាក់ថា សមាគមអ្នកបើកយន្តហោះ អាកាសចរណ៍អង់គ្លេស ហៅកាត់ថា (BALPA) កាលពីខែមុន បានជូនដំណឹងដល់ ក្រុមហ៊ុនអាកាសចរណ៍ អំពីសកម្មភាពឧស្សាហកម្ម រយៈពេល៣ ថ្ងៃ នៅក្នុងខែកញ្ញា ដែលនៅក្នុងបញ្ហានៃការធ្វើកូដកម្មលើកដំបូង ដោយអ្នកបើកយន្តហោះ របស់ក្រុមហ៊ុន BA ។
ក្រោយពីបានការធ្វើកូដកម្ម នៅថ្ងៃទី៩ និងបន្តនៅថ្ងៃទី១០ ខែកញ្ញា សកម្មភាពឧស្សាហកម្មមួយថ្ងៃទៀត គ្រោងនឹងធ្វើនៅថ្ងៃទី២៧ ខែកញ្ញា ។
តែជាអកុសល ដោយគ្មានព័ត៌មានលម្អិតណាមួយ ពី BALPA ថាតើ ក្រុមអាកាសយានិកនឹងធ្វើកូដកម្ម ឬយ៉ាងណា ហើយនិងមានមនុស្សប៉ុន្មាននាក់នឹងមកធ្វើការ ដូច្នេះយើងគ្មានជម្រើសអ្វី ក្រៅពីលុបចោល ជើងហោះហើររបស់យើង ជិត១០០ ភាគរយនោះទេ ។
ក្រុមហ៊ុនអាកាសចរណ៍ បាននិយាយនៅក្នុង សេចក្តីថ្លែងការណ៍មួយ កាលពីថ្ងៃច័ន្ទថា BA កំពុងត្រៀមលុបចោល ជើងហោះហើរចំនួន៨៥០ជើង នៅថ្ងៃច័ន្ទនេះ ៕
ប្រភព ៖ដើមអំពិល
ប្រែសម្រួលដោយ៖ ម៉ៅ បុប្ផាមករា
