រថយន្តកែច្នៃ ដោយប្រើហ្គាសមួយគ្រឿង ត្រូវបានឆេះខូចខាត សល់តែគ្រោងឆ្អឹង កាលពីវេលាម៉ោងប្រមាណ១០ព្រឹក ថ្ងៃទី២៥ ខែកញ្ញា ឆ្នាំ២០១៩ ស្ថិតក្នុងភូមិត្រពាំងខ្នារ ឃុំស្វាយលើ ស្រុកស្វាយលើ ខេត្តសៀមរាប នេះបើតាមការឲ្យដឹងពី លោក
វរសេនីយ៍ឯក ស៊ុន អេង អធិការនគរបាលស្រុកស្វាយលើ។
ហេតុការណ៍ឆេះរថយន្តនេះ ពុំមានជនរងគ្រោះឡើយ ដោយសារមនុស្សបានរត់ចេញពីរថយន្តទាន់ពេលវេលា។
ព័ត៌មានជាតិ ថ្មីៗ
លោកវរសេនីយ៍ឯក ស៊ុន អេង បានឲ្យដឹងទៀតថា រថយន្តត្រូវភ្លើងឆេះនោះ មានម៉ាកកាមេរី ពណ៌ខ្មៅ ស៊េរី ៩៣ ស្លាកលេខ ភ្នំពេញ ២C ៥៨៤៩ បើកបរដោយឈ្មោះ ឆន ដារ៉ា ភេទប្រុស អាយុ ២៧ ឆ្នាំមានទីលំនៅ ភូមិត្រពាំងខ្នារ ឃុំស្វាយលើ ស្រុកស្វាយលើ ខេត្តសៀមរាប។ មូលហេតុ បណ្ដាលឲ្យឆាបឆេះ គឺដោយសារ ធ្លាយទុយោធុងហ្គាស ដែលកែច្នៃដាក់ភ្ជាប់រថយន្ត។
អធិការនគរបាលស្រុកស្វាយលើ បន្ថែមថា ភ្លាមៗនោះ កម្លាំងសមត្ថកិច្ច បានយករថយន្តពន្លត់អគ្គីភ័យ ទៅជួយអន្តរាគមន៍បាញ់ទឹកពន្លត់ អស់មួយរថយន្តទើបរលត់ជាស្ថាពរ៕
