អាជ្ញាធរបាននិយាយថា ស្ពានមួយបានបាក់ នៅភាគឦសាននៃកោះតៃវ៉ាន់នៅថ្ងៃអង្គារ ដោយបានធ្លាក់ទៅលើ ទូកនេសាទជាច្រើនគ្រឿង ដែលនាវិកមួយចំនួន ត្រូវបានគេបារម្ភថា កប់នៅក្រោមថ្មក្នុងទឹក។
យោងតាមសារព័ត៌មាន MSN ចេញផ្សាយកាលពីថ្ងៃទី១ ខែតុលា ឆ្នាំ២០១៩ បានឱ្យដឹងថា ទីភ្នាក់ងារព័ត៌មានកណ្តាលរបស់កោះតៃវ៉ាន់បានផ្សាយថា យ៉ាងហោចណាស់មានមនុស្ស ៩ នាក់បានធ្លាក់ក្នុងទឹក ហើយ៧នាក់ត្រូវបានជួយសង្គ្រោះ ក្នុងនោះមានមនុស្ស ៦ នាក់ត្រូវបានរងរបួសធ្ងន់។
មន្ត្រីរដ្ឋាភិបាល ពីរនាក់មកពីទីក្រុងកំពង់ផែ Suao បានប្រាប់រ៉យទ័រថា ក្រុមអ្នកមុជទឹកកំពុងស្វែងរកអ្នក ដែលត្រូវបានគេគិតថាជាប់នៅក្នុងទូកនេសាទទាំងនោះ។
លេខាធិការនៃអភិបាលក្រុងលោក Shih I-chun បាននិយាយថា « ស្ពានបានបាក់កាលពី វេលាម៉ោងប្រហែល ៩ និង ៣០ នាទីព្រឹក ខណៈរថយន្តដឹកប្រេងមួយគ្រឿង កំពុងឆេះពីលើស្ពាន ៕
ប្រភព៖ដើមអំពិល
ប្រែសម្រួលៈ ណៃ តុលា
