ទីភ្នាក់ងារព័ត៌មាន ចិនស៊ិនហួ បានចុះផ្សាយនៅថ្ងៃទី៣ ខែតុលា ឆ្នាំ២០១៩ថា ប៉ូលិសក្នុង តំបន់បានឲ្យដឹងថា យន្តហោះទម្លាក់គ្រាប់បែកប្រភេទ B-17 សម័យសង្គ្រាមលោក លើកទី២ បានធ្លាក់ កាលពីថ្ងៃពុធ គ្រាដែលព្យាយាមធ្វើការចុះចត នៅឯព្រលានអន្តរជាតិ Bradley International Airport នៅរដ្ឋ Connecticut របស់សហរដ្ឋអាមេរិ ដោយបានសម្លាប់ មនុស្សតិចំផុត៧នាក់ ។
ការធ្លាក់នេះបានកើតឡើង នៅវេលា ម៉ោង៩និង៤៥នាទីព្រឹក ម៉ោងក្នុងស្រុក ។ យោងតាមអាជ្ញាធរបាន បញ្ជាក់ថា ក្នុងរយៈពេលខ្លីប៉ុណ្ណោះ ក្រោយពីខាងផ្នែកយន្តហោះ បានរាយការណ៍មកថា ជួបផលលំបាក ហើយបានវិលក្បាល មកកាន់ព្រលានយន្តហោះវិញ ដោយព្យាយាម ធ្វើការចុះចត ។
បើតាមសម្តី របស់ស្នងការប៉ូលិស ប្រចាំនៅរដ្ឋ Connecticut លោក James Rovella បានឲ្យដឹងថា អ្នករងរបួសចំនួន៦នាក់ ត្រូវបានបញ្ជូនទៅកាន់មន្ទីរពេទ្យ ដើម្បីសង្គ្រោះបន្ទាន់ និងម្នាក់ត្រូវបានធ្លាក់នៅលើដី បណ្តាលឲ្យរងរបួស ។
លោកបន្តថា នៅគ្រាដែលយន្តហោះបានធ្លាក់នៅលើផ្លូវរត់គឺ មានអ្នកដំណើរ១០នាក់ និងសហសេវឹក១០នាក់ នៅលើយន្តហោះនោះ ៕
ប្រភព៖ដើមអំពិល
ប្រែសម្រួលដោយ៖ ម៉ៅ បុប្ផាមករា
