នៅព្រឹកថ្ងៃទី០៣ ខែតុលា ឆ្នាំ២០១៩ គណៈកម្មាធិការសម្របសម្រួលបច្ចេកទេស របស់ក្រុមប្រឹក្សាខេត្តសៀមរាប អាណត្តិទី៣ បានបើកកិច្ចប្រជុំ លើរបៀបវារៈចំនួន៣ រួមមាន ទី១/ ពិនិត្យ តាមដាន និងធ្វើបច្ចុប្បន្នភាពលទ្ធផលនៃការអនុវត្តសេចក្តីសម្រេចអង្គសន្និបាតបូកសរុបលទ្ធផលការងារប្រចាំឆ្នាំ២០១៨ និងលើកទិសទិសដៅសម្រាប់អនុវត្តឆ្នាំ២០១៩ ទី២/ ពិនិត្យ និងធ្វើបច្ចុប្បន្នភាពនៃការដោះស្រាយលើសំណួរ សំណូមពរដែលបានលើកឡើងនៅក្នុងវេទិកាផ្សព្វផ្សាយនិងពិគ្រោះយោបល់របស់ក្រុមប្រឹក្សាខេត្តអាណត្តិទី ២ ឆ្នាំ២០១៧ និង២០១៨ និងទី៣/ បញ្ហាផ្សេងៗ ។
ដឹកនាំក្នុងកិច្ចប្រជុំនោះ លោក ង៉ាន់ ភិរុណ អភិបាលរងខេត្តសៀមរាប តំណាង ឯកឧត្តម ទៀ សីហា អភិបាល នៃគណៈអភិបាលខេត្តសៀមរាប និងមានការចូលរួម ឯកឧត្តមសមាជិកក្រុមប្រឹក្សាខេត្ត តំណាងអាជ្ញាធរអប្សរា ប្រធាន អនុប្រធានមន្ទីរ អភិបាល អភិបាលរង ក្រុង-ស្រុក ព្រមទាំងក្រុមការងារ នៃរដ្ឋបាលខេត្តសៀមរាប ពិនិត្យ តាមដាន ធ្វើបច្ចុប្បន្នភាពលទ្ធផលនៃការអនុវត្តសេចក្តីសម្រេចអង្គសន្និបាតបូកសរុបលទ្ធផលការងារប្រចាំឆ្នាំ២០១៨ និងលើកទិសទិសដៅសម្រាប់អនុវត្តឆ្នាំ២០១៩។
ក្នុងកិច្ចប្រជុំនោះ លោក ង៉ាន់ ភិរុណ បានស្នើឲ្យមន្ទីរ អង្គរភាពពាក់ព័ន្ធ ត្រូវពន្លឿនការជួសជុលធ្វើផ្លូវក្រវ៉ាតក្រុង ឲ្យបានឆាប់រហ័ស និងមានគុណភាព។ ជាការចូលរួម សមាជិក និងសមាជិកាទាំងអស់ លើកមតិយោបល់ និងចូលរួមដោះស្រាយបញ្ហា ដែលមាននៅក្នុងរបៀបវារៈឲ្យបានពិស្ដារ ប្រកបដោយគុណភាព និងប្រសិទ្ធភាពខ្ពស់។
អត្ថបទ និង រូបថត ៖ លោក ហាំ ម៉េងហួត
កែសម្រួលអត្ថបទ ៖ លោក សេង ផល្លី
