នៅព្រឹកថ្ងៃទី០៣ ខែតុលា ឆ្នាំ២០១៩ តំណាងរាស្ត្រខេត្តសៀមរាប ឯកឧត្តម អ្នកឧកញ៉ាបណ្ឌិត សៀង ណាំ និងលោកជំទាវ ព្រមទាំងក្រុមការងារ បានចុះសួរសុខទុក្ខប្រជាពលរដ្ឋ ដែលមានជីវភាពខ្វះខាត រស់នៅលើភូមិបណ្ដែតទឹក ចំនួន៣០០គ្រួសារ ស្ថិតនៅភូមិពាមតាអួរ ឃុំកែវពណ៌ ស្រុកពួក ខេត្តសៀមរាប។
ក្នុងឱកាសចុះសួរសុខទុក្ខប្រជាពលរដ្ឋដល់មូលដ្ឋាននាពេលនោះ ឯកឧត្តម អ្នកឧកញ៉ាបណ្ឌិត សៀង ណាំ បាននាំមកនូវការផ្ដាំផ្ញើរសាកសួរសុខទុក្ខ ពីសំណាក់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានការបាទក្រហមកម្ពុជា ដែលជានិច្ចជាកាលសម្តេចទាំងពីរ តែងតែគិតគូរអំពីសុខទុក្ខ របស់បងប្អូនប្រជាពលរដ្ឋនៅគ្រប់ទីន្លែង ដោយមិនមានការប្រកាន់ ពូជសាសន៍ ពណ៌សម្បុរ និន្នាការនយោបាយ អ្វីឡើយ។
ឯកឧត្តម អ្នកឧកញ៉ាបណ្ឌិត សៀង ណាំ បានបញ្ផាក់ថា រាជរដ្ឋាភិបាលកម្ពុជាក្រោមកិច្ចដឹកនាំដ៏ឈ្លាសវៃរបស់សម្តេចតេជោ ហ៊ុន សែន ជានាយករដ្ឋមន្ត្រី បានផ្តោតការយកចិត្តទុកដាក់ខ្ពស់ ចំពោះការងារបណ្តុះបណ្តាលធនធានមនុស្ស ក្នុងការឆ្លើយតបទៅនឹងវឌ្ឍនភាពនៃប្រទេសជាតិ ដោយសាងសង់ហេដ្ឋារចនាសម្ព័ន្ធអប់រំ តាំងពីទីក្រុងរហូតដល់ជនបទ ដែលក្នុងមួយភូមិ គឺមានសាលារៀនមួយ សម្រាប់ជាថ្នាលបណ្តុះបណ្តាលធនធានមនុស្ស ។
ព័ត៌មានជាតិ ថ្មីៗ
ក្នុងឱកាសនោះដែរ ប្រជាពលរដ្ឋ ៣០០គ្រួសារ ដែលមានជីវភាពខ្វះខាត ក្នុងមួយគ្រួសារទទួលបាន អង្ករ ២០គីឡូក្រាម សារុង១ ត្រីខ ថវិការ១ម៉ឺនរៀល និងនំប៉័ងមួយចំនួន។ ជាមួយនោះ ឯកឧត្តម អ្នកឧកញ៉ាបណ្ឌិត សៀង ណាំ ក៏បានប្រគេនអង្ករ និងថវិកាដល់គណៈកម្មាការអាចារ្យ និងព្រះសង្ឃគង់នៅក្នុងវត្តមេជ្រៃផងដែរ សរុបជាថវិកាចំនួន ១១លាន ៣សែនរៀល។
អត្ថបទ និង រូបថត ៖ លោក អ៊ិន សីហរិទ្ធ
កែសម្រួលអត្ថបទ ៖ លោក សេង ផល្លី
