អ្នកនាំពាក្យបានឲ្យដឹងថា របាយការណ៍ពិសេសមួយ របស់អង្គការសហប្រជាជាតិ បានរកឃើញថាការវាយប្រហារ តាមអាកាស របស់សហរដ្ឋអាមេរិក ទៅលើទីតាំងថ្នាំខុសច្បាប់ដែលត្រូវបានចោទប្រកាន់នៅក្នុងខែឧសភា នៅក្នុងប្រទេសអាហ្វហ្គានីស្ថាន ដែលបណ្តាលឱ្យចំនួនជនស៊ីវិល ដែលរងគ្រោះថ្នាក់ខ្ពស់ អាចមិនមានលក្ខណៈស្របច្បាប់។
អ្នកនាំពាក្យអគ្គលេខាធិការអង្គការសហប្រជាជាតិលោក អាន់តូនីញ៉ូ ហ្គូថេរេស បានលើកឡើងថាបន្ទាប់ពីការវាយប្រហារ ៥ ថ្ងៃទៅលើទីតាំងផលិតគ្រឿងញៀន ដែលត្រូវបានស៊ើបអង្កេត ដោយការិយាល័យសិទ្ធិមនុស្សរបស់អង្គការសហប្រជាជាតិ និងបេសកកម្មជំនួយរបស់អង្គការសហប្រជាជាតិនៅអាហ្វហ្គានីស្ថាន (UNAMA) បានបញ្ជាក់ថាមនុស្ស ៣៩ នាក់បានរងរបួសក្នុងនោះមានកុមារ ១៤ នាក់ ស្ត្រីម្នាក់។
លោកបន្ថែមទៀតថា “លើសពីនេះទៀតអង្គការសហប្រជាជាតិ កំពុងធ្វើការផ្ទៀងផ្ទាត់លើរបាយការណ៍នៃការស្លាប់ជនស៊ីវិលបន្ថែមទៀតយ៉ាងតិច ៣៧ នាក់ដែលភាគច្រើនជាស្ត្រី និងកុមារ” ហើយរបាយការណ៍នេះគេបានសន្និដ្ឋានថា ជាកន្លែងផលិតថ្នាំពេទ្យ និងមានកម្មករដែលមិនត្រូវបានកំណត់គោលដៅនៃការវាយប្រហារ និងគួរតែត្រូវបានការការពារ៕
ប្រភព៖ដើមអំពិល
ដោយ ឈូក បូរ៉ា
