ក្នុងជំនួបពិភាក្សា និងធ្វើកិច្ចសន្យាជាមួយក្រុមហ៊ុនដីឡូតិ៍រាជសីក្រុងអង្គររៀលអ៊ីស្ទេត នាព្រឹកថ្ងៃទី ១៥ ខែតុលា ឆ្នាំ២០១៩ នេះ លោកឧត្តមសេនីយ៍ត្រី ហួត សុធី ស្នងការរងនគរបាលខេត្តសៀមរាប ទទួលផែនការងារសន្តិសុខ បានមាន ប្រសាសន៍ជំរុញឱ្យអ្នកប្រើប្រាស់បណ្តាញសង្គមទាំងអស់ជាពិសេស គឺFacebook ត្រូវពិចារណាឱ្យបានច្បាស់លាស់មុននឹងសម្រេចធ្វើការចែករំលែកព័ត៌មានបន្ត ជៀសវាងការមានទោស និងបង្កភាពអសន្តិសុខក្នុងសង្គម ។
គួររំលឹកថា កាលពីពេលថ្មីៗនេះ មានការផ្សព្វផ្សាយតាម បណ្តាញសង្គម Facebook របស់ក្រុមហ៊ុនដីឡូតិ៍រាជសីក្រុងអង្គររៀលអ៊ីស្ទេត ពីគម្រោងលក់ដីឡូតិ៍ដែលមានមានទីតាំងក្នុងភូមិក្បូន ឃុំខ្ចាស់ ស្រុកសូទ្រនិគម ដោយបានបញ្ចាក់ថា ដីឡូតិ៍ទាំងនោះស្ថិតនៅក្បែរសួនសត្វបាតសមុទ្រសិប្បនិមិ្មតកាស៊ីណូចិនម៉ាកាវ និងព្រលានយន្តហោះទេសចរណ៍ទី២ បន្ទាប់ពីក្រុងអង្គរ ។
លោកឧត្តមសេនីយ៍ត្រី ហួត សុធី មានប្រសាសន៍បន្ថែមថា ព័ត៌មានទាំងនេះ គឺមិនពិតនោះទេ ហើយក៏បានធ្វើការណែនាំ និងធ្វើកិច្ចសន្យា ដើម្បីឱ្យក្រុមហ៊ុនខាងលើបញ្ឈប់សកម្មភាពផ្សព្វផ្សាយព័ត៌មាននេះបន្តទៀត ព្រោះអាចប្រឈមនឹងការជាប់ទោសព្រហ្មទណ្ឌផងដែរ ។
លោក ហ៊ិន ផាន្នី ប្រធានក្រុមប្រឹក្សាភិបាលរបស់ក្រុមហ៊ុនរាជសីក្រុងអង្គររៀលអ៊ីស្ទេត ក៏បានទទួលស្គាល់នូវកំហុស និងសុំទោសដល់ធារណៈជន ចំពោះកំហុសរបស់បុគ្គលិកដែលភាន់ច្រលំផ្សព្វផ្សាយព័ត៌មានខុសពីការពិត លើគម្រោងដីឡូតិ៍ខាងលើ ។
គួររំលឹកផងដែរថា កន្លងមករដ្ឋបាលខេត្តសៀមរាប ក៏ធ្លាប់បានជូនដំណឹងក្នុងផេករបស់រដ្ឋបាលខេត្ត ដោយបញ្ជាក់រួចហើយថា គ្មានការអនុញ្ញាតច្បាប់បើកការស៊ីណូនៅខេត្តសៀមរាបនោះឡើយ និងអំពាវនាវដល់សាធារណៈជនកុំឱ្យមានការភាន់ច្រឡំ និងចាញ់បោកជូនខិលខូចមួយចំនួនបន្តទៀត៕
ស្នងការរងខេត្តសៀមរាប អំពាវនាវឱ្យអ្នកប្រើប្រាស់បណ្តាញសង្គម ត្រូវវិភាគ …..
ស្នងការរងខេត្តសៀមរាប អំពាវនាវឱ្យអ្នកប្រើប្រាស់បណ្តាញសង្គម ត្រូវវិភាគ ពិចារណាព័ត៌មាន មុននឹងចែករំលែកបន្ត ជៀសវាងប្រាសចាកពីច្បាប់#ព័ត៌មានខេត្តសៀមរាប
Posted by ទូរទស្សន៍ជាតិខេត្តសៀមរាប – TV Siem Reap on Tuesday, October 15, 2019
អត្ថបទ និង រូបថត : លោក បុង ឆវ័ន និង លោក អ៊ុន ណារាជ្យ
