ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី៥ ខែវិច្ឆិកា ឆ្នាំ២០១៩ថា ក្រុមអាជ្ញាធរបាន និយាយថា យន្តហោះធុនតូចចំនួន១គ្រឿង បានធ្លាក់កាលពីល្ងាចថ្ងៃចន្ទ នៅក្រុង New Bedford ស្ថិតនៅភាគឦសាន នៃរដ្ឋ ម៉ាសាជូសិត សហរដ្ឋអាមេរិក ។
បើតាមសាក្សីមួយរូបដែលឃើញហេតុការណ៍បានប្រាប់ ដល់សារព័ត៌មាន NBC10 Boston ថា យន្តហោះបានហោះ ដោយយឺតៗនៅពីលើផ្ទះ ជាច្រើនខ្នង ក្រោយមកបានធ្លាក់ចុះ ដោយមានសំឡេង”លាន់លឺខ្លាំង” នៅកន្លែងទីជនបទមួយដែលជាវាល សម្រាប់កប់ខ្មោច នៅក្នុងក្រុងខាងលើ ។ សាក្សីបានបន្តថាខណៈដែរយន្តហោះជិតធ្លាក់ គេឃើញមានតែពីឡុតម្នាក់គត់ ដែលនៅលើយន្តហោះនោះ ។
គួរបញ្ចាក់ថា យន្តហោះនោះ បានចាកចេញពីព្រលានយន្តហោះ នៅក្នុងតំបន់ New Bedford ដែលជា ប្រភេទយន្តហោះ Cessna 150 ។ នេះបើយោងតាម ក្រុមប្រឹក្សាសុវត្ថិភាពដឹកជញ្ជូនជាតិ ដែលបានបង្ហោះឲ្យដឹង នៅលើបណ្តាញសង្គម Twitter ដែលបានធ្វើការស៊ើបអង្កេត ទៅលើករណីធ្លាក់ យន្តហោះនេះ ៕
ប្រភព៖ដើមអំពិល
ប្រែសម្រួលដោយ៖ ម៉ៅ បុប្ផាមករា
