នៅព្រឹកថ្ងៃទី១៤ ខែវិច្ឆិកា ឆ្នាំ២០១៩នេះ ឯកឧត្តម ទៀ សីហា អភិបាលខេត្តសៀមរាប និងមន្ត្រីរាជការ កងកម្លាំងប្រដាប់អាវុធក្នុងខេត្តសៀមរាប បានអញ្ជើញចូលរួមគោរពវិញ្ញាណក្ខ័ន្ធ ឧត្តមសេនីយ៍ទោ អ៊ុច នីរត្នន៍ នាយករងមជ្ឈមណ្ឌលអភិវឌ្ឍន៍យោធិនពិការសម្តេចតេជោហ៊ុន សែន គូលេន ៣១៧ សៀមរាប អគ្គនាយកដ្ឋានយោធសេវា ដែលបានទទួលមរណ:ភាពកាលពីថ្ងៃទី០៩ ខែចច្ឆិកា ឆ្នាំ២០១៨ វេលាម៉ោង០១:៥៣នាពីលងអធ្រាត្រ ក្នុងជន្មាយុ៦១ឆ្នាំដោយរោគគាពាធ។ សពត្រូវបានតម្កល់ធ្វើបុណ្យទក្ខិណានុប្បទាននៅវត្តកេសរារាម(ហៅវត្តធម្មយុត្តិក្រុងសៀមរាប ខេត្តសៀមរាប ហើយសពនឹងត្រូវបូជានៅរសៀលទីថ្ងៃទី១៤ ខែវិច្ឆិកា ឆ្នាំ២០១៩នេះផងដែរ។ គ្រួសារនៃសពនិងកូនចៅ ចៅទួត ចៅលួត របស់ឧត្តមសេនីយ៍ទោ អ៊ុច នីរត្នន៍ ព្រមទាំងឲ្យថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ មានក្តីសោកស្តាយ អាឡោះអាល័យរកទីបំផុតគ្មាន នឹកឃើញនៅសមទ្ធិផលជាច្រើន សម្រាប់ជាតិ មាតុភូមិ ។ ក្នុងមួយជីវិតរបស់លោកដែលបានលះបង់ទាំងកម្លាំងកាយ និងបញ្ញាស្មារតី ដើម្បីបុព្វហេតុជាតិ ក្នុងបូរណភាពទឹកដី និង ការអភិវឌ្ឍន៍ សេដ្ឋកិច្ច សង្គមជាដើម ។
ក្នុងពិធីនោះដែរ ឯកឧត្តម ទៀ សីហា អភិបាលនៃគណៈអភិបាលខេត្ត ឯកឧត្តម ក្រុមប្រឹក្សាខេត្ត ព្រមទាំងឯកឧត្តម សមាជិកក្រុមប្រឹក្សាខេត្ត ស្នងការនគរបាល មេបញ្ជាការ បញ្ជាការង កងកម្លាំងប្រដាប់អាវុធ និង អស់លោក លោកស្រីជាថ្នាក់ដឹកនាំមន្ទីរ មន្ត្រីរាជការនិង ប្រជាពលរដ្ឋផងដែរ ដែលបានចូលរួមគោរពព្រះវិញ្ញាណក្ខ័ន្ធរបស់ឧត្តមសេនីយ៍ទោ អ៊ុច នីរត្នន៍ នាយករងមជ្ឈមណ្ឌលអភិវឌ្ឍន៍យោធិនពិការសម្តេចតេជោហ៊ុន សែន គូលេន ៣១៧ សៀមរាប អគ្គនាយកដ្ឋានយោធសេវា នាឱកាសនោះផងដែរ ។
បន្ទាប់ពីការបូជាទៀន ធូប ថ្វាយនៅចំពោះមុខសព និងការគោរពវិញ្ញាណក្ខ័ន្តរបស់ឧត្តមសេនីយ៍ទោ អ៊ុច នីរត្នន៍ ដោយបានធ្វើការស្មឹងស្មាត ដើម្បីឧទ្ទិសវិញ្ញាណក្ខ័ន្ធរបស់លោក ឲ្យបានទៅកាន់បរមសុខនិងសុគតិភព ឲ្យបានគ្រប់ៗជាតិ កុំបីឃ្លៀងឃ្លាតឡើយ៕
អាជ្ញាធរខេត្ត និងមន្ត្រីរាជការ កងកម្លាំងប្រដាប់អាវុធក្នុងខេត្តសៀមរាប បាន
អាជ្ញាធរខេត្ត និងមន្ត្រីរាជការ កងកម្លាំងប្រដាប់អាវុធក្នុងខេត្តសៀមរាប បានអញ្ជើញចូលរួមគោរពវិញ្ញាណក្ខ័ន្ធ ឧត្តមសេនីយ៍ទោ អ៊ុច នីរត្នន៍ នាយករងមជ្ឈមណ្ឌលអភិវឌ្ឍន៍យោធិនពិការសម្តេចតេជោហ៊ុន សែន គូលេន ៣១៧ សៀមរាប អគ្គនាយកដ្ឋានយោធសេវា ដែលបានទទួលមរណ:ភាព#ព័ត៌មានខេត្តសៀមរាប
Posted by ទូរទស្សន៍ជាតិខេត្តសៀមរាប – TV Siem Reap on Thursday, November 14, 2019
អត្តបទនិងរូបភាព៖ដោយ ស៊ាន សុផាត
