នៅសាលាបឋមសិក្សា អរញ្ញរង្សី ឃុំកណ្តែក ស្រុកប្រាសាទបាគង ខេត្តសៀមរាបអាស្រ័យដោយមានការជួយជ្រោមជ្រែងពីសំណាក់ ឯកឧត្តម ឧកញ៉ា សៀង ណាំ តំណាងរាស្ត្រមណ្ឌលសៀមរាប ប្រជាពលរដ្ឋ និងសិស្សានុសិស្សសាលាបឋមសិក្សាអរញ្ញរង្សី ឃុំកណ្តែក ស្រុកប្រាសាទបាគង ខេត្តសៀមរាប បានទទួលនូវអាគារសិក្សា២ខ្នង ស្មើនឹង៦បន្ទប់ បន្ទប់ទឹក១ខ្នង មាន១០បន្ទប់ ស៊ីទែនចម្រោះទឹកស្អាតចំនួន១ ដែលជាអំណោយរបស់ក្រុមហ៊ុន Geberit ប្រទេសស្វីស តាមរយៈអង្គការគម្រោងកម្មវិធី ខេមប៊ូ និងបានធ្វើពិធីសម្ភោធនាព្រឹកថ្ងៃទី១៤ ខែវិច្ឆិកា ឆ្នាំ២០១៩ ក្រោមអធិបតីភាព ឯ.ឧបណ្ឌិតអ្នកឧកញ៉ា សៀង ណាំ តំណាងរាស្ត្រមណ្ឌលសៀមរាប។ សមិទ្ធិផលទាំងអស់នេះ កសាងអស់ថវិកាសរុប១០៨,៤១៥ដុល្លារ ។
លោក ស្តេហ្វាន ឡីណាំង តំណាងម្ចាស់អំណោយបាននិយាយថា បានស្រឡាញ់ចូលចិត្តប្រទេសកម្ពុជា និងបង្ហាញនូវក្តីសោមនស្សរីករាយ និង មានមោទនភាពក្រៃលែង ដែលបាន មកចែករំលែកនិងជួយដោះស្រាយការលំបាករបស់ប្រជាពលរដ្ឋកម្ពុជា ឆ្លើយតបតាមតម្រូវការ ហើយលោកក៏សូមឲ្យក្មួយៗ ដែលជាសិស្សានុសិស្ស ទទួលបានការរៀនសូត្រដ៏ល្អប្រសើរ ។
ក្នុងឳកាសនោះដែរ ក្នុងនាមប្រជាពលរដ្ឋរស់នៅក្នុងសហគមន៍ជនបទនៃខេត្តសៀមរាប ឯកឧត្តម សៀង ណាំបានថ្លែងអំណរ គុណយ៉ាងធំធេង ចំពោះប្រជាជនស្វីសទាំងអស់ ដែលបានរួមចំណែកជាមួយរាជរដ្ឋាភិបាលកម្ពុជា ក្នុងការជួយកសាងហេដ្ឋារចនាសម្ព័ន្ធ ក្នុងវិស័យអប់រំ អភិវឌ្ឍធនធានមនុស្ស និង បានចូលរួមយកចិត្តទុកដាក់ផងដែរ លើការងារធ្វើឲ្យប្រសើរឡើងនូវ សុខុមាលភាពប្រជាពលរដ្ឋ តាមរយៈនៃការកសាងអណ្តូងស្អាត ជូនសហគមន៍ ។ ក្នុងឪកាសនោះដែរ ឯកឧត្តម ឧកញ៉ា សៀង ណាំក៏បានជំរុញអោយមាតាបិតាសិស្សទាំងអស់ត្រូវជំរុញកូនអោយចូលរៀនអោយបានគ្រប់ៗគ្នា ដើម្បីឆ្លើយតបទៅនឹងបំណងប្រាថ្នារបស់ម្ចាស់អំណោយដែលបានចំណាយពេលវេលា និងថវិការជាច្រើនមកជួយកសាងអគារសិក្សានេះ។
អាគារសិក្សា២ខ្នង ស្មើនឹង ៦បន្ទប់ និងសមិទ្ធិផលមួយចំនួន ដែលជាអំណោយ
អាគារសិក្សា២ខ្នង ស្មើនឹង ៦បន្ទប់ និងសមិទ្ធិផលមួយចំនួន ដែលជាអំណោយសប្បុរសជនស្វីស ត្រូវបានធ្វើពិធីសម្ភោធដាក់ដំណើរការ#ព័ត៌មានខេត្តសៀមរាប
Posted by ទូរទស្សន៍ជាតិខេត្តសៀមរាប – TV Siem Reap on Thursday, November 14, 2019
