USA Today ចេញផ្សាយកាលពីថ្ងៃពុធ ទី២០ ខែវិច្ឆិកានេះ បានសរសេរថា យោធារបស់សហរដ្ឋអាមេរិក បានអះអាងថា យោធាអាមេរិកចំនួនពីរនាក់ បានស្លាប់នៅក្នុងហេតុការណ៍ គ្រោះថ្នាក់ធ្លាក់ឧទ្ធម្ភាគចក្រមួយ កាលពីព្រឹកថ្ងៃថ្ងៃពុធ នៅក្នុងប្រទេសអាហ្វហ្គានីស្ថាន។
ប្រភពដដែលបានសរសេរទៀតថា ទោះបីជាយ៉ាងណាក្តី ការធ្លាក់លើកនេះ គឺកំពុងស្ថិតក្រោមការស៊ើបអង្កេតនៅឡើយ ប៉ុន្តែយោធាដដែលបាននិយាយថា របាយការណ៍បឋមបានបង្ហាញថា ឧប្បត្តិហេតុនេះ មិនមែនបណ្តាលមកពីការ បាញ់ប្រហារណាមួយពីសត្រូវរបស់ខ្លួនទេ ។
ការស្លាប់របស់យោធាអាមេរិកចុងក្រោយនេះ បានធ្វើឲ្យចំនួនអ្នកស្លាប់ ដោយការប្រយុទ្ធ របស់សហរដ្ឋអាមេរិកនៅឆ្នាំនេះ ក្នុងប្រទេសអាហ្វហ្គានីស្ថាន កើនដល់១៩នាក់ហើយ។
បច្ចុប្បន្នវត្តមានកងទ័ពអាមេរិក ដែលនៅសល់មានប្រហែលជា ១៤០០០ នាក់ នៅក្នុងប្រទេសអាហ្វហ្គានីស្ថាន ហើយទាហានអាមេរិក ចំនួន២៤០០នាក់ ហើយដែលបានបាត់បង់ជីវិតនៅក្នុងសង្គ្រាម ដែលដឹកនាំដោយសហរដ្ឋអាមេរិក ចាប់តាំងពីឆ្នាំ២០០១៕
ប្រភព៖ដើមអំពិល
ប្រែសម្រួល:ស៊ុនលី
