ទីភ្នាក់ងារចិនស៊ិនហួ ចេញផ្សាយកាលថ្ងៃអាទិត្យទី២៤ ខែវិច្ឆិកានេះ បានឲ្យដឹងថា ស្ត្រីម្នាក់និងកុមារពីរនាក់ បានបាត់បង់ជិវិត នៅក្នុងហេតុការណ៍ រថយន្តមួយគ្រឿង បានបុកគ្នាជាមួយនឹងរថភ្លើង ដឹកអ្នកដំណើរ នៅរសៀលថ្ងៃសៅរ៍ក្នុងតំបន់ Amtrak ក្នុងទីក្រុង Jupiter ភាគអាគ្នេយ៍ សហរដ្ឋអាមេរិកនៃរដ្ឋហ្វ្លរីដា ។
នៅក្នុងសេចក្តីប្រកាស របស់អាជ្ញាធរបានបញ្ជាក់ថា អ្នកដំណើរនៅលើរថភ្លើងទាំង២០០នាក់ គឹមិនមានអ្នករងរបួសនោះឡើយ ។ចំណែកអ្នកដំណើរ០៣នាក់ បានបាត់បង់ជីវិតទាំងអស់គ្នា នៅក្នុងរថយន្ត ក្រោយពេលដែលត្រូវរថភ្លើង បុកចំកណ្តាលអូសចេញក្នុងចំណាយជិតកន្លះម៉ាល។
តាមរយៈការផ្សព្វផ្សាយតគ្នា លើបណ្តាញសង្គមបានបញ្ជាក់ថា រថយន្តបានខូចខាតស្ទើរតែទាំងស្រុង ហើយបើតាមការវិភាគជឿជាក់ថារថយន្ត បានបើកលើផ្លូវរថភ្លើងទាំង ដែលដឹងថារថភ្លើង បានខិតមកក្បែរទៅហើយនោះ៕
ប្រភព៖ដើមអំពិល
ប្រែសម្រួល:ស៊ុនលី
