ប្រកាសអន្តរក្រសួង នឹងលើកលែងការយកកម្រៃសេវាសាធារណៈ សម្រាប់ការធ្វើបណ្ណកម្មសិទ្ធិដីរដ្ឋ

ប្រកាសអន្តរក្រសួងលេខ ៣៥៦ សហវ.ប្រក ចុះថ្ងៃទី២៦ ខែមីនា ឆ្នាំ២០១៩ ស្តីពីការផ្តល់សេវាសាធារណៈរបស់ក្រសួងរៀបចំដែនដី នគរូបនីយកម្ម និងសំណង់ និងក្រសួងសេដ្ឋកិច្ច និងហិរញ្ញវត្ថុ ដោយលើកលែងការយកកម្រៃសេវាសាធារណៈ សម្រាប់ការធ្វើបណ្ណកម្មសិទ្ធិលើដីសាធារណៈរបស់រដ្ឋ ដីឯកជនរបស់រដ្ឋ ដីគ្រឹះស្ថានសាធារណៈរដ្ឋបាល និងគរុភណ្ឌជាដីរបស់វត្ត គឺដើម្បីជំរុញ និងពន្លឿនការធ្វើបណ្ណកម្មសិទ្ធិដីសម្បត្តិរដ្ឋ។

នេះបើតាមប្រសាសន៍ ឯកឧត្តម ឈន សុភាព អនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ក្នុងងសិក្ខាសាលាផ្សព្វផ្សាយលិខិតបទដ្ឋានគតិយុត្តដែលបានរៀបចំឡើង ដោយអគ្គនាយកដ្ឋានទ្រព្យសម្បត្តិរដ្ឋ និង ចំណូលមិនមែនសារពើពន្ធ ធ្វើឡើងនៅខេត្ដសៀមរាប នាព្រឹកថ្ងៃទី០៣ ខែធ្នូ ឆ្នាំ២០១៩។

ឯកឧត្ដមបានបន្ដថា ការគ្រប់គ្រងទ្រព្យសម្បត្តិរដ្ឋ និង ចំណូលមិនមែនសារពើពន្ធ ជាការងារដែលទាមទារឱ្យមានការសម្របសម្រួលទាំងថ្នាក់ស្ថាប័ន ទាំងថ្នាក់បុគ្គលយ៉ាងស្អិតរមួត ជាមួយក្រសួងស្ថាប័នរដ្ឋបាលថ្នាក់ក្រោមជា តិនិងនីតិបុគ្គលសាធារណៈទូទាំងប្រទេស។

ព័ត៌មានជាតិ ថ្មីៗ

រដ្ឋមន្ត្រីក្រសួងព័ត៌មាន ឯកឧត្តម ខៀវ កាញារីទ្ធ អញ្ជើញចុះពិនិត្យដំណើរការប្រឡងជ្រើស រើសក្របខណ្ឌថ្មី នៃក្រសួងព័ត៌មាន ឆ្នាំ២០២១

17/10/2021

សាខាកាកបាទក្រហមកម្ពុជាខេត្តសៀមរាប នាំយកអំនោយមនុស្សធម៌ប្រគល់ជូនគ្រួសារប្រជាពលរដ្ឋស្លាប់ដោយសាររន្ទះបាញ់ ក្នុងស្រុកសូទ្រនិគម

16/10/2021

ឯកឧត្តម ឈន សុភាព បានអំពាវនាវ ដល់ក្រសួងស្ថាប័ន នីតិបុគ្គលសាធារណៈ ដែលមានវត្តមាននៅក្នុងសិក្ខាសាលាសូមជួយជំរុញការងារធ្វើបណ្ណកម្មសិទ្ធិដីរដ្ឋ ឱ្យបានចប់សព្វគ្រប់ ព្រោះកម្រៃសេវាត្រូវបានលើកលែងហើយ ដើម្បីរួមចំណែកការពារដីរដ្ឋ ពីការរំលោភបំពាននានា។ ពាក់ព័ន្ធដល់សារាចរលេខ ០៦ សរ ស្តីពីវិធាន និងលក្ខណៈវិនិច្ឆ័យនៃការធ្វើប្រទានកម្មទ្រព្យសម្បត្តិរដ្ឋ ជូនប្រជាពលរដ្ឋ និងមន្ត្រីរាជការ ជាការគិតគូររបស់រាជរដ្ឋាភិបាលក្នុងការផ្តល់លំនៅដ្ឋានដល់ប្រជាពលរដ្ឋ និងមន្ត្រីរាជការ ដែលបានកាន់កាប់ និងអាស្រ័យផលលើដីរដ្ឋ ក៏ដូចជាការពារដីរដ្ឋពីការកេងចំណេញនានា។
ឯកឧត្ដមអនុរដ្ឋលេខាធិការ ក៏បានស្នើដល់អាជ្ញាធរកាន់កាប់ទាំងអស់ សូមពន្លឿនការងារនេះ ជាពិសេសចំពោះអ្នកកាន់កាប់ អាស្រ័យផលលើដីរដ្ឋទាំងឡាយណា ដែលស្របតាមលក្ខណៈវិនិច្ឆ័យចែងក្នុងសារាចរនេះ ដើម្បីផ្តល់ជាជម្រកស្នាក់នៅស្របច្បាប់ជូនពួកគាត់។ ទន្ទឹមនេះ អាជ្ញាធរកាន់កាន់ត្រូវការពារដាច់ខាតពីការរំលោភបំពាននានា មកលើដីរដ្ឋ ដែលខុសពីលក្ខណៈវិនិច្ឆ័យខាងលើ។

បើតាមរបាយការណ៍ស្ដីពីស្ថានភាពនៃការគ្រប់គ្រងទ្រព្យសម្បត្តិរដ្ឋរបស់ ឯកឧត្ដម នេត មុន្នី ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋានទ្រព្យសម្បត្តិរដ្ឋ និងចំណូលមិនមែនសារពើពន្ធ បានបង្ហាញថា បច្ចុប្បន្ននេះ ការរៀបចំបណ្ណកម្មសិទ្ធិលើអចលនទ្រព្យរបស់រដ្ឋ គិតត្រឹមឆ្នាំ២០១៩ សម្រាប់ក្រសួង ស្ថាប័នទាំង៣៦ សម្រេចបាន ២៣១បណ្ណកម្មសិទ្ធិ ស្នើនឹង៤៦ភាគរយ, មន្ទីរអង្គភាពជំនាញ(ថ្នាក់មូលដ្ឋាន) ទាំង២៥ សម្រេចបាន៣៥៨៩បណ្ណកម្មសិទ្ធិ ស្មើនឹង៣៤.៤០ភាគរយ, រដ្ឋបាលរាជធានី ខេត្ត ទំាង២៥ សម្រេចបាន១៣៥បណ្ណកម្មសិទ្ធិ ស្មើនឹង៥៩ភាគរយ, រដ្ឋបាលក្រុង ស្រុក ខណ្ឌ នៃរាជធានី ខេត្ត ទាំង២៥ សម្រេចបាន១៧៣បណ្ណកម្មសិទ្ធិស្មើនឹង៣៩ភាគរយ និងរដ្ឋបាលឃុំ សង្កាត់ នៃរាជធានី ខេត្ត សម្រេចបាន៩៦៧បណ្ណកម្មសិទ្ធិ ស្មើនឹង៦៨ភាគរយ ហើយសរុបជារួមទទួលបាន៥០៩៥បណ្ណកម្មសិទ្ធិ ស្មើនឹង៣៩ភាគរយដែលបានធ្វើបណ្ណកម្មសិទ្ធិកម្មសិទ្ធរួចរាល់ នៃគម្រោងធ្វើ បណ្ណកម្មសិទ្ធិសរុបចំនួន ១៣០២៤។ ហើយគិតត្រឹមឆ្នាំ២០១៨ ចំណូលមិនមែនសារពើពន្ធដែលមានចំនួនស្នើនឹង២.៨៩ភាគរយ នៃផ.ស.ស បាននឹងកំពុងក្លាយជាប្រភពចំណូលយ៉ាងសំខាន់ចូលរួមរុញច្រានកំណើនចំណូលចរន្តសរុបដែលមានចំនួន ២២ភាគរយ នៃផ.ស.ស៕

អត្ថបទ និង រូបភាព៖ បូ សាវី
កែសម្រួលអត្ថបទ៖ សេង ផល្លី