នៅវេលាម៉ោងប្រមាណ ៤រសៀល ថ្ងៃទី២៦ ខែធ្នូ ឆ្នាំ២០១៩ នៅចំណុច ឃុំត្រីញ័រ ស្រុកពួក ខេត្តសៀមរាប មានករណី ផ្ទុះសំណល់គ្រាប់មិនទាន់ផ្ទុះ ក្រោមដីមួយគ្រាប់ បណ្ដាលឲ្យខូចខាតរថយន្តដឹករថយន្ត និងគ្រឿងចក្រ ចំនួន២គ្រឿងខូចខាត តែពុំមានមនុស្សរងរបួសឡើយ។
ក្រោយកើតហេតុ កម្លាំងជំនាញបានសហការណ៍ជាមួយកម្លាំងសមត្ថកិច្ចមូលដ្ឋាន ចុះធ្វើការស្រាវជ្រាវនៅកន្លែងកើត ។ តាមការពិនិត្យ និងសន្ធិដ្ឋានរបស់កម្លាំងជំនាញ សង្ស័យថាជា មីនតោន ដែលនៅសេសសល់ពីសម័យសង្រ្គាម ដែលអតីតពួកខ្មែរក្រហម ធ្លាប់បានឆ្លងកាត់តំបន់នេះ។
សមត្ថកិច្ចមូលដ្ឋាន បញ្ជាក់ថាផ្លូវនេះជាផ្លូវលំតូច ហើយកន្លងមកពុំដែលមានរថយន្តធុនធ្ងន់បើកបរលើផ្លូវនេះឡើយបើកបរតែគោយន្តកន្រ្តៃយ៍តូចៗ តែប៉ុណ្ណោះ។ តាមការសន្និដ្ឋាន ប្រហែលយានន្តទាំងនោះ ពុំគ្រប់ទម្ងន់ ទើបមិនបណ្តាលឲ្យផ្ធុះ។
ព័ត៌មានជាតិ ថ្មីៗ
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក សេង ផល្លី
