ប៉ូលិសនូវែលសេឡង់បាននិយាយនៅក្នុងការផ្សាយពេលព្រឹករបស់ខ្លួននៅថ្ងៃពុធថា ការផ្ទុះភ្នំភ្លើងនៅលើកោះស ( Wlite Island ) បានធ្វើឱ្យមនុស្ស៦នាក់បានស្លាប់ និងបាត់ខ្លួន៨នាក់ ដោយមានមនុស្ស៣០នាក់ ត្រូវបានគេព្យាបាលនៅក្នុងមន្ទីរពេទ្យចំនួន៧ នៅទូទាំងនូវែលសេឡង់ ក្នុងនោះដែរមនុស្ស២៥នាក់ស្ថិតនៅក្នុងស្ថានភាពធ្ងន់ធ្ងរ ។
នៅពេលជាមួយគ្នានោះដែរប៉ូលិសនូវែលសេឡង់កំពុងអនុវត្តន៍ នូវដំណើរការអន្តរជាតិសម្រាប់កំណត់អត្តសញ្ញាណកម្មជនរងគ្រោះ ដោយគ្រោះមហន្តរាយ ដែលរួមមានទាំងការពិនិត្យមើលជាផ្លូវការ នឹងការផ្តល់ឱ្យនូវឯកសារសាកសពនៅឯកន្លែងនោះ ដើម្បីធានាថា ពួកគេត្រូវបានគេស្គាល់អត្តសញ្ញាណ បានត្រឹមត្រូវហើយ។
សូមបញ្ជាក់ថា ព័ត៌មានដែលចាំបាច់ទាំងអស់ ត្រូវបានគេប្រមូលសម្រាប់ការស៊ើបអង្កេតជាបន្តបន្ទាប់ ។ ហើយប្រតិបត្តិការធ្វើឱ្យល្អប្រសើរឡើងវិញ នៅលើកោះនេះ នៅដំណើរការទៅនៅឡើយ ៕
( ប្រភព ស៊ីនហួ បកប្រែដោយលោក ប៉ិន មឿន )
