នៅព្រឹកថ្ងៃទី១២ ខែធ្នូ ឆ្នាំ២០១៩នេះ ប្រធានក្រុមប្រឹក្សាស្រុកជីក្រែង និងប្រតិភូអនុសាខាកាកបាទក្រហមកម្ពុជា ស្រុកជីក្រែង បាន ចុះសួរសុខទុក្ខ និងនាំយកអំណោយរបស់អនុសាខាកាកបាទក្រហមកម្ពុជា ស្រុកជីក្រែង ទៅចែកជូនគ្រួសាររងគ្រោះមួយគ្រួសារ ដោយសារមានភ្លើងឆេះផ្ទះកាលពីពេលថ្មីៗនេះ ស្ថិតនៅភូមិបាក់អង្រុត ឃុំគោកធ្លកក្រោម ស្រុកជីក្រែង ខេត្តសៀមរាប។
លោក ពៅ ប៊ុនធឿន ប្រធានគណៈកម្មាធិការអនុសាខាកាកបាទក្រហមកម្ពុជា ស្រុកជីក្រែង បានសម្តែងការសោកស្តាយ ដែលគ្រោះមហន្តរាយដែលកើតឡើងនៅក្នុងមូលដ្ឋាននេះ។ ទន្ទឹមនោះ លោកក៏បាននាំយកនូវការសួរសុខទុក្ខ និងចូលរួមសោកស្ដាយ ពីសំណាក់ ឯកឧត្តមប្រធានគណៈកម្មធិការសាខាកាកបាទក្រហមកម្ពុជាខេត្តសៀមរាប និង បានផ្តាំផ្ញើដល់ប្រជាពលរដ្ឋទាំងអស់ត្រូវប្រុងប្រយ័ត្ន ចំពោះភ្លើងផ្សែងនៅរដូវរំហើយនេះ។
ឆ្លៀតក្នុងឱកាសនោះដែរ លោកប្រធានគណៈកម្មាធិការ ក៏បានណែនាំដល់ប្រជាពលរដ្ឋ ត្រូវចេះសនំ្សសំចៃចំពោះការប្រើប្រាស់ទឹកនៅពេលរដូវប្រាំងខាងមុខ ព្រមទាំងយកចិត្តទុកដាក់ក្នុងការងារបរិស្ថានក្នុងភូមិ អនាម័យ សុខភាពចំពោះកុមារតូចៗ និង ពង្រឹងស្មារតីខិតខំប្រឹងប្រែងក្នុងការដាំដុះដំណាំរួមផំ្ស ដើមី្បទ្រទ្រង់ជីវភាពក្រុម គ្រួសារឲ្យប្រសើរឡើង ៕
ព័ត៌មានជាតិ ថ្មីៗ
ប្រតិភូអនុសាខាកាកបាទក្រហមកម្ពុជាស្រុកជីក្រែង នាំយកអំណោយជូន
ប្រតិភូអនុសាខាកាកបាទក្រហមកម្ពុជាស្រុកជីក្រែង នាំយកអំណោយជូនគ្រួសាររងគ្រោះដោយអគ្គីភ័យ#ព័ត៌មានខេត្តសៀមរាប
Posted by ទូរទស្សន៍ជាតិខេត្តសៀមរាប – TV Siem Reap on Thursday, December 12, 2019
អត្ថបទ និង រូបភាព៖ ម៉ី សុខារិទ្ធ
កែសម្រួលអត្ថបទ៖ សេង ផល្លី
