មន្ទីរទំនាក់ទំនងជាមួយរដ្ឋសភា-ព្រឹទ្ធសភានិងអធិការកិច្ចខេត្តសៀមរាប រៀបចំពិធីផ្សព្វផ្សាយច្បាប់ស្ដីពីការត្រួតពិនិត្យគ្រឿងញៀន នៅក្នុងស្រុកអង្គរធំ

នាព្រឹកថ្ងៃទី១៣ ខែវិច្ឆិកា ឆ្នាំ២០១៩នេះ នៅ ស្រុកអង្គរធំ មន្ទីរទំនាក់ទំនងជាមួយរដ្ឋសភា-ព្រឹទ្ធសភានិងអធិការ កិច្ចខេត្តសៀមរាប បានរៀបចំពិធីផ្សព្វផ្សាយច្បាប់ស្ដីពីការត្រួតពិនិត្យគ្រឿងញៀន ជូនដល់សិស្សានុសិស្ស និង ប្រជាពលរដ្ឋនៅទីនោះ ក្នុងគោលបំណងកាត់បន្ថយនូវបទល្មើសគ្រប់ប្រភេទ ដែលពាក់ព័ន្ធនឹងការប្រើប្រាស់ថ្នាំញៀនខុសច្បាប់ ដើម្បីរួមចំណែកក្នុងការលើកកម្ពស់សន្តិសុខ សុវត្ថិភាព និង សុខុមាលភាពសង្គម ព្រមទាំងធ្វើឲ្យជីវភាពរស់នៅរបស់ប្រជាពលរដ្ឋក្នុងសហគមន៍បានល្អប្រសើរ ។

លោក ឡុង រដ្ឋារក្ស អភិបាលស្រុកអង្គរធំ មានប្រសាសន៍ថា ក្នុងនាមអាជ្ញាធរស្រុកអង្គរធំ សូមថ្លែងអំណរគុណចំពោះមន្ទីរទំនាក់ទំនងជាមួយរដ្ឋសភា-ព្រឹទ្ធសភានិងអធិការកិច្ចខេត្តសៀមរាប ដែលបានផ្ដួចផ្ដើមការផ្សព្វផ្សាយច្បាប់ស្ដីពីការត្រួតពិនិត្យគ្រឿងញៀននេះ ព្រោះ ថាពិធីនេះ ពិតជាមានសារៈសំខាន់ខ្លាំងណាស់សម្រាប់បង្កើនការយល់ដឹងបន្ថែមទៀត ជូនដល់ប្រជាពលរដ្ឋនិងសិស្សានុសិស្សក្នុងស្រុកអង្គរធំ អំពីផលប៉ះពាល់នៃការប្រើប្រាស់ថ្នាំញៀនខុសច្បាប់ សិស្សានុសិស្សត្រូវតែខិតខំរៀនសូត្រ និងជៀសវាងប្រើប្រាស់គ្រឿងញៀន ព្រោះសិស្សានុសិស្សជាទំពាំងស្នងឫស្សី ដែលប្រទេសជាតិត្រូវការ។

លោកវរៈសេនីយ៍ឯក អ៊ុ សាអាត នាយការិយាល័យប្រឆាំងគ្រឿង ញៀន នៃស្នងការដ្ឋាននគរបាលខេត្តសៀមរាប បានមានប្រសាសន៍ ថា ក្នុងនាមលោកជាវាគ្មិន ហើយអ្វីដែលលោកលើកយកមកបង្ហាញនៅពេលនេះ មិនមែនបំផុសគំនិតឲ្យបងប្អូនប្រជាពលរដ្ឋ និង សិស្សានុសិស្សយកទៅអនុវត្តនោះទេ ប៉ុន្តែគឺចង់បង្ហាញនូវអ្វីៗ ដែលពាក់ព័ន្ធនឹងគ្រឿងញៀន ដើម្បីបង្កើនចំណេះដឹងថ្មីៗបន្ថែមទៀត ដើម្បីរួមគ្នាទប់ស្កាត់ឲ្យកាន់តែមានប្រសិទ្ធភាព ព្រមទាំងធ្វើការផ្សព្វផ្សាយបន្តពីម្នាក់ទៅម្នាក់ទៅទៀតឲ្យបានកាន់តែច្រើន ព្រោះថាគ្រឿងញៀននេះមិនត្រឹមតែធ្វើឲ្យប៉ះពាល់ ដល់ខ្លួនឯង ក្រុមគ្រួសារ និងសង្គមជាតិ ប៉ុណ្ណោះទេ វាថែមទាំងធ្វើឲ្យយើងមានទោស ព្រហ្មទណ្ឌ និងខូចអនាគតខ្លួនឯងផងដែរ ។

ព័ត៌មានជាតិ ថ្មីៗ

មន្ទីរសុរិយោដីខេត្តសៀមរាបនិងរដ្ឋបាលស្រុកសូទ្រនិគម បិទផ្សាយឯកសារវិនិច្ឆ័យការចុះបញ្ជីដីធ្លី ដើម្បីជូនប្រជាពលរដ្ឋធ្វើការផ្ទៀងផ្ទាត់ និងធ្វើការតវ៉ា

23/09/2020

អគារសម្រាកព្យាបាលជំងឺទូទៅចំនួន១ខ្នង ដែលស្ថិតក្នុងមន្ទីរពេទ្យបង្អែកខេត្តសៀមរាប ដែលជាអំណោយរបស់លោកជំទាវឧកញ៉ា អគ្គមហាឧបាសិកាកិត្តិបណ្ឌិត សៀង ចាន់ហេង ត្រូវបានដាក់សម្ពោធឲ្យប្រើប្រាស់ជាផ្លូវការ 

23/09/2020

លោក លឹម ភក្ដី ប្រធានមន្ទីរទំនាក់ទំនងជាមួយរដ្ឋសភា-ព្រឹទ្ធសភានិងអធិការកិច្ចខេត្តសៀមរាប បានមានប្រសាសន៍ថា គោល បំណង ដែលមន្ទីររៀបចំពិធីផ្សព្វផ្សាយច្បាប់ស្ដីពីការត្រួតពិនិត្យគ្រឿង ញៀន គឺដើម្បីកាត់បន្ថយនូវបទល្មើសគ្រប់ប្រភេទ ដែលពាក់ព័ន្ធនឹងការប្រើប្រាស់ថ្នាំញៀនខុសច្បាប់ និង រួមចំណែកក្នុងការលើកកម្ពស់សន្តិសុខ សុវត្ថិភាព និង សុខុមាលភាពសង្គម ព្រមទាំងធ្វើឲ្យជីវភាពរស់នៅរបស់ប្រជាពលរដ្ឋក្នុង សហគមន៍ បានល្អប្រសើរ ។

និងជាពិសេសបង្កើនការយល់ដឹងចំពោះមាតាបិតា និងអាណាព្យាបាលទាំងអស់ឲ្យចាប់អារម្មណ៍ នូវសកម្មភាពប្រចាំថ្ងៃកូនចៅរបស់ខ្លួន ថាតើមានជាប់សង្ស័យនឹងប្រព្រឹត្តពាក់ព័ន្ធនឹងគ្រឿងញៀនដែរឬទេ ដើម្បីរួមគ្នាបង្ការ និង ទប់ស្កាត់ឲ្យបានទាន់ពេលវេលា បើកូនចៅរបស់ពួកគាត់មានសាធាតុញៀននៅក្នុងខ្លួន ត្រូវតែបញ្ជូនទៅ មជ្ឈមណ្ឌលបន្សាបគ្រឿងញៀន ដោយទីនោះមានការបន្សាបគ្រឿនញៀន និងមានផ្ដល់នូវជំនាញផ្សេងៗទៀតផងដែរ ។

អត្ថបទ រូបថត ៖ លោក ហាំ ម៉េងហួត