សមត្ថកិច្ចនគរបាលស្រុកជីក្រែងបានឲ្យដឹងថា នៅវេលាម៉ោង០៤ និង៤០នាទី ឈានចូលថ្ងៃទី១៧ ខែធ្នូ ឆ្នាំ២០១៩នេះ មានករណីគ្រោះថ្នាក់ចរាចរណ៏មួយបានកើតឡើង ដោយបង្កឡើងរវាងរថយន្ត និងរថយន្តកន្ត្រៃបីគ្រឿង បើកបុកគ្នាចំពេញទំហឹងបណ្ដាលឲ្យរងរបួសធ្ងន់ស្រាលមនុស្សចំនួន០៣នាក់ ដោយហេតុការគ្រោះថ្នាក់នេះបានកើតឡើងនៅត្រង់ចំណុច ភូមិកំពង់ក្តី១ ឃុំកំពង់ក្តី ស្រុកជីក្រែង ខេត្តសៀមរាប។
សមត្ថកិច្ចបានឲ្យដឹងទៀតថា ករណីនេះបង្កឡើងដោយរថយន្តម៉ាកហីយ៉ាន់ដាយ ពណ័សដឹងម៉ាស៊ីនច្រូតស្រូវ បើកបរដោយជនពុំស្គាល់ឈ្មោះ បានបើកទៅបុករថយន្តកន្ត្រៃបោកស្រូវ ពុំស្គាល់ឈ្មោះដូចគ្នា ដែលបើកបរបញ្ច្រាស់ទិសគ្នា ហើយក៏បានជ្រុលចង្កូតទៅបុក រថយន្តហ៊ីយ៉ាន់ដាយមួយគ្រឿងផ្សេងទៀត ម្ចាស់រថយន្ត មានឈ្មោះប៉ាន់ ចាន់ ដារ៉ា ភេទប្រុស អាយុ២៩ឆ្នាំ រស់នៅភូមិត្របែក ឃុំដំដែក ស្រុកសូទ្រនិគម ខេត្តសៀមរាប ។
ក្នុងគ្រោះថ្នាក់ចរាចរនេះដែរ បានបណ្ដាលឲ្យរងរបួសស្រាលមួយនាក់ ពីរនាក់ទៀតបានរងរបួសធ្ងន់ នឹងត្រូវបញ្ជូនទៅសង្ក្រោះនៅមន្ទីរពេទ្យ ហើយរថយន្តទាំងបី៣គ្រឿងបច្ចុប្បន្ន ត្រូវបានបញ្ជូនយកទៅរក្សាទុកនៅអធិការនគរបាលស្រុកជីក្រែង រងចាំការដោះស្រាយតាមច្បាប់នៅពេលក្រោយ ៕
អត្ថបទ និង រូបភាព ៖ គឿន វ៉េត
កែសម្រួល៖ អ៊ុន ណារាជ្យ
