នៅថ្ងៃទី២៣ ខែធ្នូ ឆ្នាំ២០១៩នេះ ក្រុមការងារសាខាកាំកុងត្រូលខេត្តសៀមរាប បានចុះត្រួតពិនិត្យសុវត្ថិភាពចំណីអាហារ និងគ្រឿងឧបភោគបរិភោគ នៅផ្សារចាស់ស្ថិតក្នុងក្រុងសៀមរាប។
តាមរយៈការធ្វើតេស្តបឋម របស់ក្រុមមន្ត្រីជំនាញ ទៅលើ គ្រឿងសមុទ្រនាំយកពីខេត្តព្រះសីហនុ និងកោះកុង គ្រឿងសមុទ្រនាំយកពីប្រទេសថៃ លត់ស្វិត បាញ់ឌុក ស្ពៃជ្រក់ ជ្រក់ត្រសក់ ត្រីងៀត សាច់ងៀត និងសាច់ក្រក ពុំមានផ្ទុកនូវសារធាតុគីមី ដែលប៉ះពាល់ដល់សុខភាពឡើយ។ ជាមួយនោះ គ្រឿងកំប៉ុង នៅតាមតូបលក់គ្រឿងទេស នៅក្នុងផ្សារ ក៏ពុំមានដាក់លក់នូវ ផលិតផលហួសកាលបរិច្ឆេទប្រើប្រាស់ផងដែរ។
ទោះបី រកពុំឃើញចំណីអាហារខូចគុណភាពនៅក្នុងផ្សារចាស់នេះក្ដី លោក ព្រៅ ខេមរិទ្ធ ប្រធានសាខាកាំកុងត្រូលខេត្តសៀមរាប នៅតែបន្តផ្សព្វផ្សាយ ដល់អាជីវករក្នុងផ្សារ ពីការហាមឃាត់ ការទិញលក់ ផលិតផលខូចគុណភាព និងក្លែងបន្លំ ដែលនេះជាអំពើខុសច្បាប់ ប្រឈមទៅ និងទោសទណ្ឌទៅតាមផ្លូវច្បាប់។
ព័ត៌មានជាតិ ថ្មីៗ
អត្ថបទនិង រូបភាព៖ ស៊ាន សុផាត
កែសម្រួល៖ សេង ផល្លី
