បារាយណ៍ទឹកថ្លា ឬបារាយណ៍ខាងលិច ជាប្រភពទឹក ដ៏សារៈសំខាន់ សម្រាប់ប្រជាពលរដ្ឋក្នុងខេត្តសៀមរាប សម្រាប់ទាញយកទឹកមកប្រើប្រាស់ក្នុងជីវភាពប្រចាំថ្ងៃ លើសពីនោះ វាក៏ជាតំបន់ទេសចរណ៍ដ៏គួរឲ្យទាក់ទាញដល់ភ្ញៀវជាតិ និងអន្តរជាតិផងដែរ។
តាមឯកសាររបស់អាជ្ញាធរជាតិអប្សរា បារាយណ៍ទឹកថ្លា មានប្រវែងបណ្តោយ៨គីឡូម៉ែត្រនិងទទឹង២.២គីឡូម៉ែត្រ អាចស្តុកទឹកបាន ៥៦លានម៉ែត្រត្រីគុណ(គូប)។ ទឹកនៅក្នុងបារាយទឹកថ្លា មួយផ្នែកត្រូវបានបំលែងជាទឹកស្អាត សម្រាប់ផ្គត់ផ្គង់នៅក្នុងក្រុងសៀមរាប មួយផ្នែកទៀត សម្រាប់ស្រោចស្រពផ្ទៃដីស្រូវប្រាំងប្រមាណ ៤ពាន់ហិចតា។
នៅក្នុងវិស័យទេសចរណ៍ ទេសភាពនៅលើផ្ទៃទឹក ដ៏ធំល្វឹងល្វើយ រួមនិងកោះ អមដោយប្រាសាទមេបុណ្យខាងលិច នៅចំកណ្ដាលបាន ធ្វើទាក់ទាញអ្នកទេសចរ ឲ្យជិះទូកកំសាន្តទៅលេងនៅលើកោះនោះ។ ជាមួយនោះ អ្នកទេសចរ ក៏អាចទិញចំណីអាហារ ទទួលទាន នៅក្នុងខ្ចុះជាច្រើន នៅជុំវិញមាត់ទឹកផងដែរ។
ព័ត៌មានជាតិ ថ្មីៗ
សូមជម្រាបថា បារាយណ៍ទឹកថ្លា ត្រូវបានសាងសង់ឡើងក្នុង សតវត្សទី១១ ដោយព្រះបាទ សូរ្យវរ្ម័នទី១ពីឆ្នាំ១០០២ ហើយបញ្ចប់ ជាស្ថាពរនៅក្នុងរាជរបស់ព្រះបាទ ឧទ័យទិត្យវរ្ម័នទី២ពីឆ្នាំ១០៥០ដល់១០៦៦នៃគ.ស៕
បារាយណ៍ទឹកថ្លា ប្រភពទឹកប្រវិត្តសាស្ត្រ និងបច្ចុប្បន្នដ៏សំខាន់ សម្រាប់ខេត្តសៀម….
បារាយណ៍ទឹកថ្លា ប្រភពទឹកប្រវិត្តសាស្ត្រ និងបច្ចុប្បន្នដ៏សំខាន់ សម្រាប់ខេត្តសៀមរាប#ព័ត៌មានខេត្តសៀមរាប
Posted by ទូរទស្សន៍ជាតិខេត្តសៀមរាប – TV Siem Reap on Monday, December 23, 2019
អត្ថបទនិង រូបភាព៖ បូ សាវី
កែសម្រួល៖ សេង ផល្លី
