ពិធីរាត្រីសមោ-ស សប្បុរសធម៌មួយ នៅក្នុងរាត្រីឆ្លងឆ្នាំសកល ២០១៩ ឈានចូលឆ្នាំថ្មី ឆ្នាំ២០២០ នៅសណ្ឋាគារ ម៉េម័រ ផាលេស និងស្ប៉ា ក្រុងសៀមរាប រកបានថវិកាប្រមាណជិត ៤ម៉ឺនដុល្លារ ដើម្បីទ្រទ្រង់កិច្ចដល់ដំណើរការរបស់មន្ទីរពេទ្យកុមារអង្គរខេត្តសៀមរាប។
លោក ហ្វីលីប កៅ ស្ថាបនិកសណ្ឋាគារ ម៉េម័រ បានបង្ហាញថា ពិធីរាត្រីសមោ-ស សប្បុរសធម៌បែបនេះ បានរៀបចំរួចម្ដងមកហើយកាលពីរាត្រីឆ្លងឆ្នាំសាកលឆ្នាំមុន ( ឆ្នាំ២០១៨ ឈានចូលឆ្នាំ២០១៩ ) និងទទួលបានថវិកាសប្បុរសជាង ៣ម៉ឺនដុល្លារ។
លោកស្រី អ៊ឹមផាន វណ្ណឌី នាយិកា ក្រុមហ៊ុន ហាងជាង ប៉ាក់វណ្ណហុង ដែលជាអ្នកឧបត្ថម្ភធំនៅក្នុងកម្មវិធីនេះ បានមានប្រសាសន៍ថា ថវិកាសប្បុរសជិត ៤ម៉ឺនដុល្លារនេះ គឺបានមកពីការដកតម្លៃឈ្នួល ដែលអតិជនបានជាវគ្រឿងអលង្ការពីក្រុមហ៊ុន ក្នុងរយៈពេល២សប្តាហ៍ មុនរាត្រីឆ្លងឆ្នាំនេះចូលមកដល់ និងមួយចំណែកទៀត បានមកពីការដកភាគរយនៃការជាវសន្លឹកប័ណុ្ណចូលរួមកម្មវិធីរាត្រីសមោ-ស សប្បុរសធម៌ឆ្លងឆ្នាំ ដែលរៀបចំឡើងដោយសណ្ឋាគារ ម៉េម័រ ។
ព័ត៌មានជាតិ ថ្មីៗ
អត្ថបទ និង រូបភាព៖ ងិន គឹមឡេង
កែសម្រួល៖ សេង ផល្លី
