ថ្ងៃទី០៧ ខែមករា ឆ្នាំ ២០២០ កម្លាំងប៉ុស្តិ៍នគរបាលរដ្ឋបាលឃុំខ្នងភ្នំ ចំណុះអធិការដ្ឋាននគរបាលស្រុកស្វាយលើ បានប្រគល់គ្រាប់យុទ្ធភ័ណ្ឌមិនទាន់ផ្ទុះចំនួន១១គ្រាប់ ឲ្យទៅអង្គការដោះមីនកម្ពុជា ដោយសារបានប្រជាពលរដ្ឋបានប្រទះឃើញ ស្ថិតនៅក្នុងភូមិអន្លង់ធំ ឃុំខ្នងភ្នំ ស្រុកស្វាយលើ ខេត្តសៀមរាប ។
ក្រោយប្រទះឃើញភ្លាមៗប្រជាពលរដ្ឋបានរាយការណ៍ទៅកាន់នគរបាលរដ្ឋបាលឃុំខ្នងភ្នំ ក្រោយទទួលបានព័ត៌មានកម្លាំងប៉ុស្តិ៍នគរបាលរដ្ឋបាលឃុំខ្នងភ្នំ ក៏បានសហការជាមួយ្លាំងអង្គការដោះមីនកម្ពុជា បានដោះយកគ្រាប់យកទៅរក្សាទុក ។
គ្រាប់យុទ្ធភ័ណ្ឌដែលដោះបានទាំង ១១គ្រាប់ រួមមានប្រភេទ គ្រាប់ ៨0 មីលីម៉ែត្រចំនួន១0គ្រាប់ និងគ្រាប់ AT ចំនួន ០១គ្រាប់បើតាមការបញ្ជាក់ពីកម្លាំងសមត្ថកិច្ចគ្រាប់ទាំងនេះ គឺជាគ្រាប់យុទ្ធភ័ណ្ឌមិនទាន់ផ្ទុះ ដែលសេសសល់ពីសម័យសង្គ្រាម ហើយកម្លាំងនគរបាលជំនាញ់ បានធ្វើការប្រគល់ជូនទៅកម្លាំងអង្គការដោះមីនកម្ពុជាដើម្បីយកទៅកំទេចចោល ៕
អត្ថបទ និង រូបភាព៖ ថាច់ ពិសុទ្ធ
កែសម្រួល៖ អ៊ុន ណារាជ្យ
