បើតាមសមត្ថកិច្ចស្រុកប្រាសាទបាគងបានឲ្យដឹងថា នៅវេលាម៉ោង១១ និង៤០នាទី នៅថ្ងៃទី០៩ ខែមករា ឆ្នាំ២០២០ មានករណីអគ្គិភ័យមួយបានកើតឡើង ដោយបានបង្កឲ្យភ្លើងឆេះផ្ទះ១ខ្នង ទំហំ៦ម៉ែត្រ×១១ម៉ែត្រ កម្ពស់៦ម៉ែត្រ សង់ពីឈើ និងខាងក្រោមថ្ម នៅគ្នុងភូមិគោកត្រាច ឃុំ បាគង ស្រុក ប្រាសាទបាគង ខេត្តសៀមរាប ។
សមត្ថកិច្ច បានឲ្យដឹងទៀតថា ផ្ទះដែលបានឆេះជារបស់ម្ចាស់ផ្ទះឈ្មោះ អ៉ឹង ឈឿន ភេទប្រុស អាយុ៥៣ឆ្នាំ រស់នៅភូមិឃុំកើតហេតុខាងលើ ។ ដោយក្នុងករណីនេះ បានបណ្តាលអោយរងការខូចខាតផ្ទះអស់ប្រមាណ ៣០ភាគរយ ,ឆេះគ្រែ និងពូកអស់ និងសម្ភារះប្រើប្រាស់មួយចំនួនទៀត តែពុំមានបង្កគ្រោះថ្នាក់ដល់មនុស្សឡើយ ។
ក្រោយកើតហេតុ ដោយមានការអន្តរាគមន៍ពន្លត់ដោយប្រើប្រាស់រថយន្តពន្លត់អគ្គិភ័យអធិការដ្ឋាននគរបាលស្រុកប្រាសាទបាគងចំនួន ១គ្រឿង ប្រើប្រាស់ទឹកអស់១ឡាន និងដោយមានការសហការពីកំម្លាំងប៉ុស្ដិ៍នគរបាលរដ្ឋបាល ប្រជាការពារ និង ប្រជាពលរដ្ឋជួយអន្តរាគន៍ពន្លត់ភ្លើងក៏បានរលត់ទៅវិញម៉ោង ១២:០០នាទីនា ។ ក្នុងនោះដែរសមត្ថកិច្ចបានបញ្ជាក់ថា មូលហេតុដែលបណ្តាលឲ្យមានអគ្គិភ័យនេះកើតឡើងដោយសារមកពីម្ចាស់ដុតធូបរួចទុកចោលហើយទៅផ្សារបាត់ ទើបបណ្ដាលអោយឆេះតែម្ដង ៕
ព័ត៌មានជាតិ ថ្មីៗ
អត្ថបតនិង រូបភាព៖ ថាច់ ពិសុទ្ធ
កែសម្រួល៖ អ៊ុន ណារាជ្យ
