អាកាសយានដ្ឋានអន្តរជាតិភ្នំពេញ នឹងធ្វើលំហាត់សមយុទ្ធសង្គ្រោះទ្រង់ទ្រាយធំនៅថ្ងៃទី១០ខែមករានេះ

នៅថ្ងៃទី១០ ខែមករា ឆ្នាំ២០២០ខាងមុខនេះ អាកាសយានដ្ឋានអន្តរជាតិភ្នំពេញ នឹងរៀបចំលំហាត់សមយុទ្ធទ្រង់ទ្រាយធំ ដើម្បីវាយតម្លៃលើសមត្ថភាពក្នុងការអនុវត្តនៃប្រព័ន្ធបញ្ហាគ្រោះអាសន្ន ក្នុងការឆ្លើយតបឧប្បទ្ទវហេតុគ្រោះថ្នាក់យន្តហោះ និងប្រសិទ្ធភាពនៃការសហការគ្នាក្នុងការដឹកនាំបញ្ជាដោះស្រាយបញ្ហាប្រឈម ។

នេះបើតាមការឲ្យដឹងពី ឯកឧត្តម ជា អូន រដ្ឋលេខាធិការប្រចាំការ និងជាអ្នកនាំពាក្យរដ្ឋលេខាធិការដ្ឋានអាកាសចរស៊ីវិល មកកាន់វិទ្យុជាតិកម្ពុជា។ ឯកឧត្តមបាន បង្ហាញថា ការធ្វើលំហាត់សមយុទ្ធទ្រង់ទ្រាយធំនេះ គឺ ដើម្បីអនុវត្តតាមអនុសាសន៍ណែនាំរបស់អង្គការអាកាសចរស៊ីវិលអន្តរជាតិ ដែលតម្រូវឲ្យរដ្ឋជាសមាជិករៀបចំធ្វើលំហាត់សមយុទ្ធទ្រង់ទ្រាយធំ នៅក្នុងនិងជុំវិញបរិវេណអាកាសយានដ្ឋាន ដើម្បីបានដឹងពីសមត្ថភាពនៃការគ្រប់គ្រងឧបទ្ទេវហេតុ។

ឯកឧត្តមរដ្ឋលេខាធិការ បញ្ជាក់ថា ក្នុងនាមជាសមាជិក របស់អង្គការអាកាសចរស៊ីវិលអន្តរជាតិ ប្រទេសកម្ពុជា មានកាតព្វកិច្ច គោរពតាមច្បាប់ និងបទប្បញ្ញត្តិ នានា របស់ Chicago convention 44 របស់អាកាសចរស៊ីវិលអន្តរជាតិ ។ គ្រប់ព្រលានយន្តហោះ ដែលមានប្រតិបត្តិការហោះហើរទៀតទាត់ជារៀងរាល់ថ្ងៃ អង្គការអាកាសចរស៊ីវិលអន្តរជាតិ តម្រូវឲ្យមានការធ្វើសមយុទ្ធយោធាជាក់ស្តែងរៀងរាល់២ឆ្នាំម្តង ព្រមទាំងធ្វើទ្រឹស្តី៦ខែម្តងផងដែរ។ ក្នុងនោះ លំហាត់សមយុទ្ធនេះ នឹងមានការចូលរួមពីស្ថាប័នកងកម្លាំងប្រដាប់អាវុធរួមមានទាំងយន្តហោះ រថយន្តអគ្គីភ័យ រថយន្តពេទ្យ និងរថយន្តដឹកកងកម្លាំងប្រដាប់អាវុធ ។

ព័ត៌មានជាតិ ថ្មីៗ

ទិវាអន្តរជាតិ នៃអ្នកស្ម័គ្រចិត្ត ៥ធ្នូ ឆ្នាំ២០២៤ ក្រោមប្រធានបទ “ការពារមនុស្សជាតិ”

06/12/2024

មន្ត្រីជំនាញចុះផ្សព្វផ្សាយសេចក្តីប្រកាសកំណត់តំបន់ធ្វើការវិនិច្ឆ័យសម្រាប់ការចុះបញ្ជីដីធ្លីមានលក្ខណៈជាប្រព័ន្ធសម្រាប់ភូមិចំនួន១០ ក្នុងស្រុកក្រឡាញ់

06/12/2024

ជាមួយនោះ អាកាសចរណ៍ស៊ីវិល ក៏បានអំពាវដល់ប្រជាពលរដ្ឋនៅទូទាំងប្រទេស កុំមានការភ្ញាក់ផ្អើល ចំពោះការធ្វើ លំហាត់សមយុទ្ធនេះ ខណៈឆ្នាំនេះគឺជាលើកទី៦ ហើយនៃការធ្វើសមយុទ្ធនៅគ្រប់ព្រលានយន្តទាំងបីរបស់ព្រះរាជាណាចក្រម្ពុជា រួមមាន ព្រលានយន្តហោះអន្តរជាតិភ្នំពេញ ព្រលានយន្តហោះខេត្តសៀមរាប និងព្រលានយន្តហោះខេត្តព្រះសីហនុ ៕

អត្ថបទ៖ ក្រសួងព័ត៌មាន
រូបភាព និងវីដេអូ៖ ឯកសារមន្ទីរព័ត៌មានខេត្តសៀមរាប
កែសម្រួល៖ សេង ផល្លី