មន្ត្រី នៃមន្ទីរព័ត៌មានខេត្តសៀមរាបធ្វើដំណើរកំសាន្តប្រចាំឆ្នាំទៅខេត្តកោះកុង ប្រកបដោយជោគជ័យ !

នៅរាត្រីថ្ងៃទី12 ខែមករា ឆ្នាំ 2020 ថ្នាក់ដឹកនាំរួមនឹងមន្ត្រីនៃមន្ទីរព័ត៌មានខេត្ត ជិត៥០នាក់ បានវិលត្រឡប់មកដល់ខេត្តសៀមរាប វិញបន្ទាប់ពីបញ្ចប់ដំណើរកំសាន្តប្រចាំឆ្នាំរបស់ខ្លួន រយៈពេល 3ថ្ងៃទៅកាន់ខេត្តកោះកុង ជាការទស្សនានូវ ទិដ្ឋភាពដ៏ស្រស់ត្រកាល និងកំសាន្តរមណីយដ្ឋាននានាលើទឹកដីនោះ ។

ដំណើរទស្សនកិច្ចទៅកាន់ខេត្តកោះកុងចាប់ពីថ្ងៃទី១០ ដល់ ១២ ខែមករា ឆ្នាំ ២០២០ គឺដើម្បីលើកទឹកចិត្ត និងរឹតចំណងសាមគ្គីភាពរវាងថ្នាក់ដឹកនាំ និងមន្រ្តី នៃមន្ទីរព័ត៌មានខេត្តសៀមរាប ដែលរយ:កាលពេញមួយឆ្នាំកន្លងមក មន្ត្រីយើង បានខិតខំបំពេញការងារយ៉ាងសស្រាក់សស្រាំដោយមិនគិតការនឿយហត់ពេលវេលាថា ថ្ងៃសៅរ៍ ថ្ងៃអាទិត្យ ឬថ្ងៃបុណ្យដែលត្រូវសម្រាក គឺត្រូវបានបំពេញដោយការទទួលខុសត្រូវ ប្រកបដោយគុណភាព ប្រសិទ្ធភាព និងជោគជ័យជាដរាប ។ មួយវិញទៀត ដំណើរទស្សនកិច្ចនេះ ក៏ជាឱកាសដ៏សំខាន់ក្នុងការសិក្សាស្វែងយល់ អំពីវិស័យព័ត៌មាន នៅក្នុងខេត្តកោះកុង ដែលជាខេត្តជាប់សមុទ្រ និងជាខេត្តជាប់ព្រំដែនកម្ពុជា-ថៃ ដើម្បីផ្លាស់ប្ដូរ នូវទស្សនយោបល់ និងបទពិសោធន៍ល្អៗ រវាងគ្នាទៅវិញទៅមក សម្រាប់ខេត្តទេសចរណ៍ដ៏មានសក្តានុពលទាំងពីរនេះ។

ឯកឧត្តម លីវ សុខុន ទីប្រឹក្សាក្រសួងព័ត៌មាន និងជាប្រធានមន្ទីរព័ត៌មានខេត្តសៀមរាប បានថ្លែងអំណរគុណ
ដល់ ឯកឧត្ដម មុំ ម៉ាលីកា ទីប្រឹក្សាក្រសួងព័ត៌មាន និងជាប្រធានមន្ទីរព័ត៌មានខេត្តកោះកុង ឯកឧត្តម កែវ សេដ្ឋា ទីប្រឹក្សាក្រសួងព័ត៌មាន ព្រមទាំងអនុប្រធានមន្ទីរ និងមន្ត្រីនៃមន្ទីរព័ត៌មានខេត្តកោះកុងទាំងអស់ ដែលបានស្វាគមន៍យ៉ាងកក់ក្ដៅ និងសម្របសម្រួលធ្វើឱ្យដំណើរសាន្តនេះ ប្រកបដោយភាពសប្បាយរីករាយ និងនិងលទ្ធផលផ្លែផ្កាជាទីបំផុត។

ព័ត៌មានជាតិ ថ្មីៗ

រដ្ឋបាលខេត្តសៀមរាប កែសម្រួលវិធានការធ្វើចត្តាឡីស័ក និងផ្ដល់សំណាក សម្រាប់អ្នកដំណើរចូលមកក្នុងខេត្ត និងបន្តស្រាវជ្រាវអ្នកដំណើរសង្ស័យពាក់ព័ន្ធនឹងជំងឺកូវីដ-១៩

07/05/2021

ប្រធានក្រុមប្រឹក្សាខេត្តសៀមរាប ជំរុញឲ្យមានការពង្រឹងការអនុវត្តវិធានការចាំបាច់នានា ដើម្បីទប់ស្កាត់ការឆ្លងរាលដាលជំងឺកូវីដ-១៩

06/05/2021

គួរំលឹកថា មន្ទីរព័ត៌មានខេត្តសៀមរាប ក្រោមការដឹកនាំរបស់ឯកឧត្តម លីវ សុខុន មន្ទីរបានរៀបចំដំណើរទស្សនកិច្ចកំសាន្តចំនួន០៣លើក ដោយកាលពីឆ្នាំ២០១៨ ធ្វើដំណើរទៅកាន់ខេត្តព្រះវិហារ ឆ្នាំ២០១៩ ធ្វើដំណើរទៅកាន់ខេត្តស្ទឹងត្រែង និងឆ្នាំ២០២០នេះ ទៅកាន់ខេត្តកោះកុង ។ នៅក្នុងដំណើរកម្សាន្ត ទៅកាន់ខេត្តកោះកុងលើកនេះ ក្រុមក្រុមការងារយើងបានទៅដល់រមណីយដ្ឋាន បុរាណស្ថានប្រវត្តិសាស្រ្តមួយចំនួនដូចជា: ព្រៃកោងកាង ពាមក្រសោម, ឆ្នេរប៉ាក់ខ្លង, ចេតិយឃុនឆាងឃុនផែន, ច្រកចាំយាម ស្ទឹងតាតៃ និងទិដ្ឋភាពស្រស់ត្រកាលជាច្រើនទៀត ៕

អត្ថបទ: បុង ឆវិន
សម្រួល: សេង ផល្លី
រូបភាព: សហការីមន្ទីរ