ករណីគ្រោះថ្នាក់ចរាចរណ៍មួយបានកើតឡើងលើកំណាត់ផ្លូវជាតិលេខ៦៧ ស្ថិតនៅក្នុងភូមិតាកុះ ឃុំព្រះដាក់ ស្រុកបន្ទាយស្រី ខេត្តសៀមរាប ។ នៅថ្ងៃទី១៣ ខែមករា ឆ្នាំ២០២០ មានរថយន្តមួយគ្រឿងម៉ាក HINOពណ៌ស ក្រហម ពាក់ផ្លាកលេខ សៀមរាប 3A. 0111 បើកកបរដោយជនមិនស្គាល់អត្តសញ្ញាណបើកបរមានទិសដៅពីត្បូងទៅជើងបានបុកនឹងម៉ូតូមួយគ្រឿងម៉ាកហុងដាឌ្រីមពណ៌ខ្មៅ ពាក់ផ្លាកលេខសៀមរាប 1Y 4160 បើកកបរដោយឈ្មោះ សាន សាវៃ ភេទស្រី អាយុ ១៨ ឆ្នាំ រស់នៅ ភូមិ តាកុះ ឃុំព្រះដាក់ ស្រុកបន្ទាយស្រី ខេត្តសៀមរាប ពីជើង ទៅត្បូងដឹកអ្នករួម ដំណើរ ឈ្មោះ ប្រាក់ តិក ភេទស្រី អាយុ ៥៧ឆ្នាំ ដែលត្រូវជាម្ដាយ បណ្តាលឲ្យ ស្លាប់ទាំង០២នាក់ ។ សមត្ថកិច្ចបានឲ្យដឹងថា រថយន្ត បើកបរមិនប្រកាន់ស្តាំ បានបុក ជនរងគ្រោះ រួចរត់គេចខ្លួនបាត់ ។ សមត្ថកិច្ច បានប្រមូលវត្ថុតាងមករក្សាទុកនិងធ្វើសំណុំរឿងបញ្ជូនទៅសាលាដំបូងខេត្តចាត់ការតាមនីតិវិធីច្បាប់ និងប្រគល់សពជូនក្រុមគ្រួសារធ្វើបុណ្យតាមប្រពៃណី ។
អត្ថបតនិង រូបភាព៖ ថាច់ ពិសុទ្ធ
កែសម្រួល៖ ហាំ ម៉េងហួត
