កាលពីថ្ងៃទី ២០ ខែ មករា ឆ្នាំ ២០២០ កម្លាំងសមត្ថកិច្ចនគរបាល បានឃាត់ខ្លួន ជនជាតិ អង់គ្លេសម្នាក់ ស្ថិតនៅភូមិត្រពាំងសេះ សង្កាត់ គោកចក ក្រុងសៀមរាប ពាក់ព័ន្ធនឹងករណីសម្លុតគម្រាមកំហែងទៅលើសិស្សសាលា។
តាមការឲ្យដឹងពីកម្លាំងនគរបាលការិយាល័យស៊ើបអង្កេត និងអនុវត្តនីតិវិធី នៃស្នងការដ្ឋាននគរបាលខេត្តសៀមរាប បុរសជនជាតិអង់គ្លេសរូបនេះ មានឈ្មោះ WELLS PETER JAMES បានធ្វើឲ្យប៉ះពាល់សន្តិសុខ សណ្តាប់ធ្នាប់សាធារណៈក្នុងក្រុងសៀមរាប និងបានបន្តលួចស្នាក់នៅ ក្នុងព្រះរាជាណាចក្រកម្ពុជា ដោយខុសច្បាប់ រយៈពេល១០១ថ្ងៃ។
បច្ចុប្បន្ន ជនបរទេសរូបនេះ ត្រូវបានបញ្ជូនទៅស្នាក់ការត្រៀមបណ្តេញចេញប្រចាំខេត្តសៀមរាប ចាត់ការបន្តតាមនីតិវិធី។
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក សេង ផល្លី
