ប៉េកាំង៖ ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មានឲ្យដឹងកាលពីថ្ងៃទី៦ ខែកុម្ភៈ ឆ្នាំ២០២០ថា ប្រទេសចិន បាននិយាយនៅថ្ងៃព្រហស្បតិ៍នេះថា ចិន នឹងកាត់បន្ថយការគិតពន្ធគយ ដែលមានទឹកប្រាក់ ៧៥ពាន់លានដុល្លារ សម្រាប់ការនាំចូលទំនិញរបស់អាមេរិកគិតចាប់ពីថ្ងៃទី១៤ ខែកុម្ភៈ ។ រយៈពេល១ខែ ក្រោយពីក្រុងប៉េកាំង និងក្រុងវ៉ាស៊ីនតោនបានចុះហត្ថលេខាផ្អាកការ ធ្វើសង្គ្រាមពាណិជ្ជកម្មនឹងគ្នា ។
ក្រុមប្រឹក្សារដ្ឋទទួលបន្ទុកជា គណៈកម្មាធិការពន្ធគយ បានឲ្យដឹងថា ការកាត់បន្ថយ នឹងត្រូវដាក់បញ្ចូលទៅក្នុងកម្រិតមួយស្មើនឹង ៥ភាគរយ និង១០ភាគរយដែលត្រូវបានស្នើឡើង លើសពីទំនិញលើសពី ១.៧០០មុខ នៅក្នុងខែកញ្ញាកន្លងមកនេះ ។
គួរបញ្ជាក់ថា ប្រទេសចិន និងសហរដ្ឋអាមេរិក បានចុះហត្ថលេខារួមគ្នានៅក្នុងខែមករា លើកិច្ចព្រមព្រៀងមួយដែលឲ្យទម្លាក់ចុះនូវភាពតានតឹងនៅក្នុងសង្គ្រាមពាណិជ្ជកម្មរបស់ពួកគេ។ជាមួយគ្នានេះដែរ ក្រុងប៉េកាំង បានឯកភាពដើម្បីទិញយកទំនិញបន្ថែម ដែលមានទឹកប្រាក់ ២០០ពាន់លានដុល្លារ ពីសហរដ្ឋអាមេរិក ក្នុងរយៈពេល ២ឆ្នាំខាងមុខ ៕
ប្រភព៖ ដើមអំពិល
ប្រែសម្រួលដោយ៖ ម៉ៅ បុប្ផាមករា
