កាលពីវេលាម៉ោង ៣ រសៀល ថ្ងៃទី១៦ ខែកុម្ភៈ ឆ្នាំ២០២០ មានករណីភ្លើងឆេះព្រៃ មួយបានកើតឡើងនៅចំណុច ចង្កេះភ្នំដី ស្ថិតនៅភូមិបន្ទាយស្រី ឃុំខ្នារសណ្តាយ ស្រុកបន្ទាយស្រី ខេត្តសៀមរាប ។
តាមការឲ្យដឹងពី លោកវរសេនីយ៍ឯក ឡុង សំណាង អធិការនៃអធិការដ្ឋាននគរបាលស្រុកបន្ទាយស្រី ករណីភ្លើងឆេះព្រៃនេះ បណ្ដាលឲ្យខូចខាតផ្ទៃដីព្រៃសរុប ១៨ហិកតា និងពុំបានបង្កឲ្យមានមនុស្សរងរបួស ឬខូចខាតទ្រព្យសម្បត្តិប្រជាពលរដ្ឋឡើយ។
លោកអធិការស្រុក បានឲ្យដឹងថា ករណីអគ្គីភ័យនេះ កម្លាំងសមត្ថកិច្ច បានចេញអន្តរាគមន៍ភ្លាមៗ ដោយមានការសហការជាមួយរដ្ឋបាលស្រុក ក្រុមប្រឹក្សាស្រុក អាជ្ញាធរជាតិអប្សរា ប្រជាការពារភូមិ និងប្រជាពលរដ្ឋសរុបរួមចំនួន៣៥នាក់ និង ពន្លត់ភ្លើងបានទាំងស្រុង នៅវេលាម៉ោង ០៥:១០ នាទីល្ងាច នៅថ្ងៃដដែល។
ព័ត៌មានជាតិ ថ្មីៗ
ហេតុការណ៍អគ្គីភ័យនេះដែរ លោកអធិការស្រុកនៅពុំទាន់អាចសន្និដ្ឋានបានទេថា បណ្ដាលមកពីអ្វី ដោយលោកបានបញ្ជាក់ថា កំពុងស្រាវជ្រាវ។
អត្ថបទ និង រូបភាព៖ ថាច់ ពិសុទ្ធ
កែសម្រួល៖ សេង ផល្លី
