នៅព្រឹកថ្ងៃទី ២០ ខែគុម្ភៈ ឆ្នាំ២០២០ នៅមជ្ឈមណ្ឌលអភិវឌ្ឍន៍យោធិនពិការសម្តេចតេជោ ហ៊ុន សែនគូលេន៣១៧សៀមរាប ស្ថិតក្នុង ឃុំបល្ល័ង ស្រុកប្រាសាទបាគង ខេត្តសៀមរាប បានទទួលអំណោយសប្បុរសធម៌ពីឯកឧត្តម ហ៊ុន ម៉ាណែត និង លោកជំទាវ ដើម្បីឧបត្ថម្ភជូនដល់យោធិនពិការ ២៩១គ្រួសារ។
តាមការឲ្យដឹងពី លោក ស្រី សុផាត តំណាង ឯកឧត្តម ហ៊ុន ម៉ាណែត និង លោកជំទាវ បាននាំយក អង្ករ សរុបចំនួន ៦២២បាវ ស្មើរនឹង ១៥,៥៥០គីឡូក្រាម ដោយក្នុងមួយគ្រួសារ ទទួលបានអង្ករ ៥០គីឡូក្រាម តាមរយៈ ឯកឧត្តម ឧត្តមសេនីយ៍ឯក ពៅ ស៊ា នាយកមជ្ឈមណ្ឌលអភិវឌ្ឍន៍យោធិនពិការសម្តេចតេជោ ហ៊ុន សែន គូលេន៣១៧សៀមរាប។
ឯកឧត្តម ឧត្តមសេនីយ៍ឯក ពៅ ស៊ា បានថ្លែងអំណរគុណដល់ ទឹកចិត្តសប្បុរស របស់ឯកឧត្តម ហ៊ុន ម៉ាណែត និង លោកជំទាវ ដែលបានយកចិត្តទុកដាក់ពីសុខទុករបស់យោធិនពិការក្នុងខេត្តសៀមរាប។ ក្រៅពីអំណោយនៅថ្ងៃនេះ នាពេលកន្លងមក ឯកឧត្តមក៏ធ្លាប់បានបញ្ជូនគ្រូពេទ្យស្ម័គ្រចិត្តសម្តេចតេជោ ហ៊ុន សែន ដើម្បីពិនិត្យសុខភាព និងព្យាបាលជំងឺជូនគ្រូសារយោធិនពិការ និងពលរដ្ឋនៅក្នុងមជ្ឈមណ្ឌលនេះ ដោយមិនគិតថ្លៃផងដែរ។
ព័ត៌មានជាតិ ថ្មីៗ
គួររំលឹកថា កាលពីថ្ងៃទី១៣ ខែមេសា ឆ្នាំ២០១៧ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញជួបសំណេះសំណាល និងសួរសុខទុក្ខយោធិនពិការ និងគ្រួសារសរុបជាង ១ពាន់នាក់ នៅមជ្ឈមណ្ឌលអភិវឌ្ឍន៍យោធិនពិការសម្តេចតេជោ ហ៊ុន សែន គូលេន៣១៧សៀមរាប។
អត្ថបទ និងរូបភាព: លោក ខេង ឧត្តម
កែសម្រួលដោយ៖ លោក សេង ផល្លី
អត្ថបទ និង រូបថត ៖ លោក ខេង ឧត្ដម
កែសម្រួលអត្ថបទ ៖ លោក លីវ សាន្ត
