នៅវេលាម៉ោង០១ និង៤៨នាទី ថ្ងៃទី២៦ ខែកុម្ភះឆ្នាំ ២០២០នេះ នៅលើកំណាត់ផ្លូវជាតិលេខ៦ ចន្លោះបង្គោលគីឡូលេខ២៩៥-២៩៦ ស្ថិតក្នុងភូមិស្វាយជ័យ ឃុំត្រពាំងធំ ស្រុកប្រាសាទបាគង មានគ្រោះថ្នាក់ចរាចរណ៍មួយបានកើតឡើង រវាងរថយន្ត និងម៉ូតូស្របទិសគ្នា បណ្ដាលឲ្យស្រ្តីម្នាក់បានស្លាប់ភ្លាមៗនៅនឹងកន្លែង ។
សមត្ថកិច្ចនគរបាលបានឲ្យដឹងថា៖ រថយន្តបង្កម៉ាកតូយូតា ពណ៌ទឹកប្រាក់ពាក់ផ្លាកលេខភ្នំពេញ ២AD ៦៨០៧ បើកបរដោយឈ្មោះមិនស្គាល់ បើកបរមានទិសដៅពីរលិចទៅកើត ហើយបើកបរមានល្បឿនលឿនខ្វះការប្រុងប្រយ័ត្ន បានបុកនឹងម៉ូតូម៉ាកហុងដា សេ១២៥ សេរី ០១៤ ពណ៌ខ្មៅ ពាក់ផ្លាកលេខសៀមរាប១N ៦៩៨១ បើកបរដោយឈ្មោះ ព្រឿន ជីវ៉ា ភេទស្រីអាយុ ៣៥ឆ្នាំ មានទីលំនៅភូមិ ឬស្សីលក ឃុំឬស្សីលក ស្រុកជីក្រែងខេត្តសៀមរាប បើកបរមានទិសដៅពីលិចទៅកើត បណ្តាលឲ្យស្រ្តីរងគ្រោះស្លាប់នៅនឹងកន្លែង ។
ក្រោយពេលកើតហេតុ អ្នកបើកបររថយន្តបានចុះរត់គេចខ្លួនបាត់ ចំណែកសាកសពបានធ្វើការប្រគល់អោយទៅក្រុមគ្រូសារនៃសព យកទៅធ្វើបុណ្យតាមប្រពៃណីខ្មែរ ហើយម៉ូតូ និងរថយន្តខូចខាតធ្ងន់យកមករក្សាទុក នៅអធិការដ្ឋាននគរបាលស្រុកប្រាសាទបាគង ដើម្បីបង្កសំណុំរឿងចាត់ការតាមនិតិវិធីច្បាប់ចរាចរណ៍ផ្លូវគោក ៕
ព័ត៌មានជាតិ ថ្មីៗ
អត្ថបទ និង រូបភាព៖ ថាច់ ពិសុទ្ធ
