អាជ្ញាធរខេត្តសៀមរាប ផ្តល់អនុសាសន៍ដល់មន្ត្រីសុខាភិបាលនិងអ្នកពាក់ព័ន្ឋបន្តខិតខំដោះស្រាយបញ្ហាប្រឈមដែលនៅសេសសល់ដើម្បីអនុវត្តឱ្យមានប្រសិទ្ឋភាពនៅឆ្នាំខាងមុខhttps://www.youtube.com/watch?v=WjkoqMfiYNo
ថ្លែងក្នុង ពិធីបិទសន្និបាតបូកសរុបលទ្ធផលការងារសុខាភិបាលឆ្នាំ២០១៩ និងលើកទិសដៅអនុវត្តបន្តឆ្នាំ២០២០ នារសៀល ថ្ងៃទី២៨ ខែកុម្ភៈ ឆ្នាំ ២០២០ លោក ពិន ប្រាកដ អភិបាលរងខេត្តនិងជាតំណាងដ៍ខ្ពង់ខ្ពស់ ឯកឧត្តម ទៀ សីហា អភិបាលនៃគណអភិបាលខេត្តសៀមរាប បានស្នើឲ្យអ្នកពាក់ព័ន្ធបំរើសេវាសុខាភិបាលក៍ដូចជាអាជ្ញាធរមូលដ្ឋានគ្រប់ជាន់ថ្នាក់និងអង្គការដៃគូពាក់ព័ន្ឋទាំងអស់បន្តចូលរួមចំណែកឧបត្ថម្ភគាំទ្រ និងបន្តកិច្ចខិតខំប្រឹងប្រែងឱ្យកាន់តែសកម្មខ្លាំងក្លាថែមទៀត ដើម្បីឱ្យខេត្តឈានទៅសំរេចជោគជ័យ ស្របតាមចក្ខុ វិស័យនៃការអភិវឌ្ឈន៏វិស៍យសុខាភិបាល ការអភិវឌ្ឈន៏សមត្ថភាពស្ថាប័ន និងការអភិវឌ្ឈន៏ធនធានមនុស្ស ដែលជាមូលដ្ឋានគ្រឹះសម្រាប់គាំទ្រការពង្រីកវិសាលភាពគ្របដណ្តប់នៃការផ្តល់សេវាសុខាភិបាល ។
ក្នុងនាមក្រុមប្រឹក្សាខេត្ត គណៈអភិបាលខេត្ត លោក ពិន ប្រាកដ បាន ថ្លែងនូវការកោតសរសើរដោយស្មោះចំពោះថ្នាក់ដឹកនាំខេត្ត និង មន្ត្រីរាជការទាំងអស់នៃមន្ទីរសុខាភិបាលខេត្តសៀមរាប ស្ថាប័នពាក់ព័ន្ធនានា អាជ្ញាធរដែនដីគ្រប់លំដាប់ថ្នាក់ ដៃគូរអភិវឌ្ឈន៍ ដែលបានសហការគ្នាយ៉ាងល្អប្រសើរ និងការខិតខំប្រឹងប្រែងអស់ពីកម្លាំងកាយចិត្តសម្រេចបាននូវស្នាដៃជាច្រើនក្នុងឆ្នាំ២០១៩កន្លងមកនេះ និងបានចាត់ទុកសកម្មភាពល្អប្រសើរនេះថាជាឱកាសដ៍មានសារៈសំខាន់បំផុតសម្រាប់ការលើកកំពស់វិស័យសុខាភិបាល សម្រាប់អ្នកព័ន្ធនានាដើម្បីរួមគ្នាត្រួតពិនិត្យវាយតម្លៃលើសមិទ្ធិផល បញ្ហាប្រឈម ដំណោះស្រាយ និងបណ្ដាសមិទ្ធផល ដែលសម្រេចបានក្នុងឆ្នាំកន្លងមក ព្រមទាំងបានពិនិត្យមើលនូវចំណុចខ្វះខាត និងបញ្ហាប្រឈមនានាសម្រាប់អនុវត្តឆ្នាំខាងមុខទៀត។ ជាក់ស្ដែង ផ្អែកតាមរបាយការណ៍លទ្ធផលនៃអង្គសន្និបាតដែលលោកប្រធានមន្ទីរសុខាភិបាលខេត្ត បានលើកជម្រាបជូនអម្បាញម៉ិញនេះ កត់សម្គាល់ឃើញថា បានឆ្លុះបញ្ចាំងពីលទ្ធផលល្អប្រសើរ ក្នុងឆ្នាំ២០១៩កន្លងមក និងបានវាយតំលៃខ្ពស់ ចំពោះកិច្ចខិតខំប្រឹងប្រែង របស់ថ្នាក់ដឹកនាំ និងមន្រ្តីរាជការ នៃមន្ទីរសុខាភិបាលដែលបានបំពេញតួនាទីភារកិច្ចក្នុងការពិនិត្យពិគ្រោះយោបល់ ថែទាំ និងព្យាបាលជម្ងឺជូនបងប្អូនប្រជាជន ដោយការគោរពយ៉ាងខ្ជាប់ខ្ជួនតាមក្រមសីលធម៍វិជ្ជាជីវៈរបស់ខ្លួនទទួលបានលទ្ធផលល្អប្រសើរ ពិសេសការផ្តល់កិច្ចសហការល្អពីគ្រប់អាជ្ញាធរមូលដ្ឋាន អង្គការដៃគូ ស្ថាប័ន ពាក់ព័ន្ធ។
លោក អភិបាលរងខេត្ត បានផ្តល់ជាអនុសាសន៍ថា៖ថ្នាក់ដឹកនាំ និងមន្រ្តី នៃមន្ទីរមន្ទីរសុខាភិបាលក៍ដូចជាងង្គភាពស្ថាប័ននានា ត្រូវបន្តខិតខំដោះស្រាយបញ្ហាប្រឈមដែលនៅសេសសល់ក្នុងឆ្នាំ២០១៩ និងអនុវត្តឱ្យមានប្រសិទ្ឋភាពទិសដៅឆ្នាំ ២០២០ ដែលអង្គសន្និបាតបានដាក់ចេញ។បង្កើតឲ្យមានបរិយាកាសសាមគ្គីភាពផ្ទៃក្នុង ចំណោមថ្នាក់ដឹកនាំ និងមន្រ្តីរាជការគ្រប់លំដាប់ថ្នាក់ ចែករំលែក បទពិសោធន៌ ប្រគល់ភារកិច្ចជូនមន្រ្តីរាជការតាមជំនាញសមត្ថភាព ។ពង្រឹងសមត្ថភាព និងបណ្តុះបណ្តាលមន្រ្តីរាជការថ្នាក់ក្រោម ដើម្បីផ្តល់សេវាជូនប្រជាពលរដ្ឋនៅមូលដ្ឋានឱ្យមានប្រសិទ្ឋិភាព សក្តិសិទ្ធិភាព។ពង្រឹងការអនុវត្ដន៍ក្រមសីលធម៌វិជជីវៈរបស់មន្រ្តីរាជការសុខាភិបាល ពិសេសមន្ត្រីបុគ្គលិកផ្ដល់សវាសុខភាពផ្ទាល់ តាមរយៈការអភិបាលកិច្ចល្អ។ពង្រឹងភាពជាដៃគូរជាមួយសហគមន៍អន្ដរជាតិ លើកកម្ពស់ការចូលរួមរបស់សហគមន៍ និងលើកស្ទួយភាពជាដៃគូ រវាងវិស័យសាធារណៈ អង្គការជាតិ អន្តរជាតិ និងវិស័យឯកជន។បន្តពង្រឹងការសម្របសម្រួលជាមួយដៃគូរមិនមែនរដ្ឋាភិបាល នូវកិច្ចការងារដែលជាកាតព្វកិច្ចក្នុងការផ្តល់សេវាសុខភាពមានគុណភាព ជូនដល់បងប្អូនប្រជាពលរដ្ឋ តាមរយៈការអភិវឌ្ឍន៏នូវផែនការប្រតិបត្តិប្រចាំឆ្នាំ។
សូមជំរាបថា៖ដោយបានការចូលរួមឧបត្ថម្ភពីបណ្តាអង្គការដៃគូរវិស័យសុខាភិបាល និងថវិកាជាតិ តាមរយៈការធ្វើផែនការប្រចាំឆ្នាំ មន្ទីរសុខាភិបាលខេត្តសៀមរាប បានរៀបចំសន្និបាតបូកសរុបលទ្ឋផលការងារសុខាភិបាលឆ្នាំ២០១៩និងទិសដៅបន្តឆ្នាំ២០២០របស់ខ្លួនរយៈពេលពីរថ្ងៃចាប់ពីថ្ងៃទី២៧ដល់ថ្ងៃទី២៨ខែកុម្ភៈឆ្នាំ២០២០ ដើម្បីពិនិត្យតាមដានលទ្ឋផលការងាររបស់ខ្លួនដែលបានអនុវត្តរយៈពេលមួយឆ្នាំ២០១៩កន្លងនិងកំណត់នូវគោលដៅសម្រាប់អនុវត្តបន្តឆ្នាំ២០២០ ព្រមទាំងបន្តស្វែងរកនូវការងារអាទិភាពបន្ថែមទៀតក្នុងការផ្តល់សេវា ថែទាំ ព្យាបាល បង្ការ ការអប់រំសុខភាព អនាម័យនិងបញ្ហានានាដែលបានប្រឈម ដើម្បីស្វែងរកនូវធាតុចូលថ្មីៗសម្រាប់ទិសដៅបន្តនៅឆ្នាំខាងមុខទៀត។អង្គសន្នីបាត បានប្រារព្ឋពិធីបិទ នារសៀលថ្ងៃទី២៨ខែកុម្ភៈឆ្នាំ២០២០ ក្រោមអធិបតីភាពភាព ឯកឧត្តម អ៊ាន ឃុន ប្រធានក្រុមប្រឹក្សាខេត្តស្តីទី លោក ពិន ប្រាកដ អភិបាលរងខេត្តនិងជាតំណាងដ៍ខ្ពង់ខ្ពស់ ឯកឧត្តម ទៀ សីហា អភិបាល នៃគណអភិបាលខេត្តសៀមរាប ព្រមទាំងវត្តមានចូលរួមពីសំណាក់អស់លោក លោកស្រីជាថ្នាក់ដឹកនាំមន្ទីរ អាជ្ញាធរ ក្រុមប្រឹក្សា ក្រុង ស្រុក មេឃុំ ចៅសង្កាត់ មន្ត្រីសុខាភិបាល មន្ទីរពេទ្យបង្អែកតាមបណ្តាស្រុក អង្គការដៃគូជាតិ អន្តរជាតិ សរុបចំនួនជិត៤០០នាក់ ។
អត្ថបទ និងរូបភាព: លោក យូ វង្ស
