ព័ត៌មានជាតិ ថ្មីៗ
នៅវេលាម៉ោង ៤ និង៤៥នាទីរសៀល ថ្ងៃទី៥ ខែមីនា ឆ្នាំ២០២០ នៅលើផ្លូវជាតិលេខ ៦ ស្ថិតនៅចំណុចភូមិសំរោងកញ្ចោច ឃុំឫស្សីលក ស្រុកជីក្រែង ខេត្តសៀមរាប មានហេតុការគ្រោះថ្នាក់ចរាចរណ៍កើតឡើងរវាងគោយន្តកន្ត្រៃ និងម៉ូតូហុងដាឌ្រីមពណ៌ខៀវ គ្មាស្លាកលេខ ក្នុងទិសដៅស្របគ្នាពីលិចទៅកើត បណ្ដាលឲ្យស្លាប់មនុស្សម្នាក់នៅកន្លែងកើតហេតុ។
សមត្ថកិច្ចបានឲ្យដឹងថា ជនរងគ្រោះជាស្រ្តី ឈ្មោះ ថៃ រ៉ាន អាយុ ៦២ឆ្នាំ រស់នៅភូមិ ឃុំកើតហេតុខាងលើ បានបើកម៉ូតូឆ្លងផ្លូវមិនប្រយ័ត្ន ក៏ជ្រុលទៅបុកគូទគោយន្តកន្ត្រៃពេញទំហឹងបណ្តាលឲ្យស្លាប់ភ្លាមៗ ចំណែកតែកុងគោយន្តកន្រ្តៃបានរត់គេចខ្លួនបាត់ ។
បច្ចុប្បន្នគោយន្តកន្រ្តៃ និងម៉ូតូ ត្រូវបានយកមករក្សាទុកនៅប៉ុស្តិ៍រដ្ឋបាលឃុំឫស្សីលក រងចាំធ្វើការដោះស្រាយជាក្រោយ។
អត្ថបទ និងរូបភាព ៖ គឿនវេត
