សមត្ថកិច្ចនគរបាលស្រុកពួកបានឲ្យដឹងថា នៅវេលាម៉ោង១១ និង២០នាទីយប់ ថ្ងៃទី០៥ ខែមីនា ឆ្នាំ២០២០ មានករណីគ្រោះថ្នាក់ចរាចរណ៍មួយបានកើតឡើង នៅចំណុចស្ពានកែងសាលាJPA ភូមិតាជេត ឃុំសំរោងយា ស្រុកពួក ខេត្តសៀមរាប បង្កឡើងដោយបុរសម្នាក់មិនស្គាល់អត្តញ្ញាណ ជិះម៉ូតូម៉ាក ហ្ស៊ូមម័រអ៊ិច ពាក់ផ្លាកលេខ សៀមរាប 1Z-2056 ក្នុងល្បឿនលឿន បានជិះខុសផ្លូវធ្លាក់ចូលក្នុងទឹកប្រឡាយបណ្តាលឲ្យស្លាប់ ។
ក្រោយពេលកើតហេតុកំលាំងជំនាញបានចុះវាស់វែងកន្លែងកើតហេតុកសាងសំណុំរឿង និងដកហូតវត្ថុតាងពាក់ព័ន្ធ យកទៅរក្សាទុកនៅអធិការដ្ឋាននគរបាលស្រុក ចំណែកសាកសព ជនរងគ្រោះកំពុងស្រាវជ្រាវរកសាច់ញ្ញាតិ។
អត្ថបទ និងរូបភាព ៖ ថាច់ ពិសុទ្ធ
