កាលពីថ្ងៃទី១០ ខែមីនា ឆ្នាំ២០២០ កងកម្លាំងចម្រុះខេត្តសៀមរាប ឃាត់ខ្លួនបានអ្នកបើកបររថយន្តមានផ្ទុកសារធាតុញៀនខុសច្បាប់ ចំនួន ៣នាក់ក្នុងចំណោម៣៤នាក់ ស្ថិតក្នុងចំណុចភូមិទឹកថ្លា ឃុំខ្នាត ស្រុកពួក ខេត្តសៀមរាប។
តាមការឲ្យដឹងពី លោកវរៈសេនីយ៍ឯក ទេព ពុំសែន អធិការនគរបាលស្រុកពួក អ្នកបើកបរទាំងបីនាក់អ្នកនេះ ត្រូវសមត្ថកិច្ចឃាត់ខ្លួន ក្នុងប្រតិបត្តិការ ចុះត្រួតពិនិត្យលក្ខណៈបច្ចេកទេសយានយន្ត ដោយកម្លាំងសណ្ដាប់ធ្នាប់ នៃអធិការដ្ឋាននគរបាលស្រុកពួក សហការណ៍ជាមួយមន្ទីសារធារណការខេត្ត កម្លាំងការិយាល័យចរាចរណ៍ខេត្ត កម្លាំងការិយាល័យប្រឆាំងបទល្មើសគ្រឿងញៀន រួមនិងកម្លាំងកងរាជអាវធស្រុក។
ជាលទ្ធផល កម្លាំងជំនាញត្រួតពិនិត្យ បានរថយន្តធុនតូច និងធំ សរុបចំនួន៨១គ្រឿង។ ធ្វើការផាកពិន័យ រថយន្តខុសបច្ចេកទេស បានចំនួន ១៦គ្រឿង។
ដោយឡែក អ្នកបើកបរដែលមានផ្ទុកសារធាតុញៀនខុសច្បាប់ទាំង៣នាក់ សមត្ថកិច្ច បានបញ្ជូនទៅកាន់ការិយាល័យប្រឆាំងបទល្មើសគ្រឿងញៀន នៃស្នងការដ្ឋាននគរបាលខេត្តសៀមរាប ដើម្បីអប់រំកែប្រែនិងផ្តាច់គ្រឿងញៀន នៅនិង មជ្ឈមណ្ឌលស្តារនីតិសម្បទា អ្នកញៀនគ្រឿងញៀនខេត្ត។
អត្ថបទ និងរូបភាព៖ ថាច់ ពិសុទ្ធ
កែសម្រួល៖ សេង ផល្លី
