គណៈកម្មាធិការអចិន្ត្រៃយ៍ព្រឹទ្ធសភា នឹងបើកកិច្ចប្រជុំពិនិត្យសេចក្តីព្រាងច្បាប់ស្តីពីការបង្កើតក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ទៅក្នុងរបៀបវារៈប្រជុំវិសាមញ្ញព្រឹទ្ធ សភា នីតិកាលទី៤ និងពិនិត្យសេចក្តីព្រាងច្បាប់ជាច្រើនទៀត នៅព្រឹកថ្ងៃទី២០ ខែមីនា ឆ្នាំ២០២០នេះ បន្ទាប់ពីច្បាប់ទាំងនោះត្រូវបានរដ្ឋសភាអនុម័តជាស្ថាពរកាលពីកន្លងទៅហើយ នោះ។
យោងតាមសេចក្តីជូនដំណឹងរបស់អគ្គលេខាធិការព្រឹទ្ធសភា ដែលបានចេញនៅព្រឹក ថ្ងៃទី១៩ ខែមីនា ឆ្នាំ២០២០នេះបានឲ្យដឹងថា នៅព្រឹកថ្ងៃសុក្រ ទី២០ ស្អែកនេះព្រឹទ្ធសភានៃ ព្រះរាជាណាចក្រកម្ពុជា នឹងរៀបចំកិច្ចប្រជុំគណៈកម្មាធិការអចិន្ត្រៃយ៍ ដោយមានរៀបវារៈដូច ខាងក្រោម៖
១-ពិនិត្យ និងសម្រេចលើសំណើររបស់គណៈកម្មការទី៩ព្រឹទ្ធសភា សុំដាក់សេចក្តីព្រាងច្បាប់ ស្តីពី ការបង្កើតក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ទៅក្នុងរបៀបវារៈ ប្រ ជុំវិសាមញ្ញព្រឹទ្ធសភា នីតិកាលទី៤។
២-ពិនិត្យ និងសម្រេចលើសំណើររបស់គណៈកម្មការទី៣ព្រឹទ្ធសភា សុំដាក់សេចក្តីព្រាងច្បាប់ ស្តីពី ការអនុម័តយល់ព្រមលើពិធីសារទីពីរស្តីពី វិសោធនកម្មកិច្ចព្រមព្រៀងវិនិយោគទូលំទូ លាយអាស៊ាន ទៅក្នុងរបៀបវារៈប្រជុំវិសាមញ្ញព្រទ្ធសភា នីតិកាលទី៤។
៣-ពិនិត្យ និងសម្រេចលើសំណើរបស់គណៈកម្មការទី៣ព្រឹទ្ធសភាសុំដាក់សេចក្តីព្រាងច្បាប់ ស្តីពី ការអនុម័តយល់ព្រមលើពិធីសារទីបីស្តីពី វិសោធនកម្មកិច្ចព្រមព្រៀងវិនិយោគទូលំទូ លាយអាស៊ានទៅក្នុងរបៀបវារៈប្រជុំវិសាមញ្ញព្រទ្ធសភា នីតិកាលទី៤។
៤-ពិនិត្យ និងសម្រេចលើសំណើរបស់គណៈកម្មការទី៩ព្រឹទ្ធសភាសុំដាក់សេចក្តីព្រាងច្បាប់ ស្តីពី ការអនុម័តយល់ព្រមលើពិធីសារទី១ ធ្វើវិសោធនកម្មកិច្ចព្រមព្រៀងស្តីពី ពាណិជ្ជកម្ម ទំនិញអាស៊ាន ទៅក្នុងរបៀបវារៈប្រជុំវិសាមញ្ញព្រទ្ធសភា នីតិកាលទី៤។
៥-ពិនិត្យ និងសម្រេចលើសំណើរបស់គណៈកម្មការទី៦ព្រឹទ្ធសភាសុំដាក់សេចក្តីព្រាងច្បាប់ ស្តីពី ការអនុម័តយល់ព្រមលើសន្ធិសញ្ញាស្តីពី ការផ្ទេរទណ្ឌិតរវាងព្រះរាជាណាចក្រកម្ពុជា និង សាធារណៈរដ្ឋសង្គមនិយមវៀតណាម ទៅក្នុងរបៀបវារៈប្រជុំវិសាមញ្ញព្រទ្ធសភា នីតិកាលទី៤។
៦-ពិនិត្យ និងសម្រេចលើសំណើរបស់គណៈកម្មការទី៦ព្រឹទ្ធសភា សុំដាក់សេចក្តីព្រាងច្បាប់ ស្តីពី ការអនុម័តយល់ព្រមលើសន្ធិសញ្ញាស្តីពី ការជួយគ្នាទៅវិញទៅមកផ្នែកច្បាប់ ក្នុងវិស័យ ព្រហ្មទណ្ឌរវាងព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាម ទៅក្នុងរបៀបវារៈប្រជុំវិសាមញ្ញព្រទ្ធសភា នីតិកាលទី៤។
៧-កំណត់របៀបវារៈ កាលបរិច្ឆេទ និងសមាសភាពលេខាធិការអង្គប្រជុំព្រឹទ្ធសភាវិសាមញ្ញ នី តិកាលទី៤៕
