ដើម្បីចូលរួមចំណែកបង្កើនសុវត្ថិភាពដល់អ្នកដំណើរ និងបង្ការការរីករាលដាលឆ្លងមេរោគប្រភេទថ្មី Covid-19 ក្រុមហ៊ុនដឹកជញ្ចូនអ្នកដំណើរ Larryta Express សាខាខេត្តសៀមរាប នាព្រឹកថ្ងៃទី ២៥ ខែ មីនា ឆ្នាំ២០២០នេះ បានធ្វើយុទ្ធនាការបាញ់ថ្នាំសម្លាប់មេរោគ និងធ្វើការណែនាំបន្ថែមដល់អតិថិជនរបស់ខ្លួនពីការរក្សាអនាម័យ ដើម្បីបញ្ចៀសការឆ្លង Virus Covid-19 ។
បើតាម លោក ស៊ុ ស៊ីម ដំណាងក្រុមហ៊ុន ឡារីតា បានឱ្យដឹងថា យុទ្ធនាការបាញ់ថ្នាំសម្លាប់មេរោគ របស់ក្រុមហ៊ុន ពេលនេះ គឺក្នុងគោលបំណងចូលរួមចំណែកជាមួយរាជដ្ឋាភិបាលកម្ពុជា ដើម្បីប្រយុទ្ធប្រឆាំង និងការរីករាលដាល មេរោគ Covid-19 ដោយក្រុមហ៊ុនបានធ្វើយុទ្ធនាការនេះគ្រប់សាខាទាំងអស់ តាមការណែនាំរបស់ក្រសួងសុខាភិបាលតាំងពីមានការផ្ទុះរីករាលដាលឆ្លង មេរោគនេះតាំងពីរតំបូងមកម្លេះ ។
លោកបន្ថែមថា ឡារីតា គឺនៅតែបន្តផ្តល់ទំនុកចិត្តដល់អតិថិជនរបស់ខ្លួនជានិច្ចគ្រប់កលទេសៈ តាមរយៈការផ្តល់សេវាមានភាពងាយស្រួល ការបើកបរ ការរក្សាអនាម័យ និងវាស់កម្តៅជាប់ជាប្រចាំជូនអតិថិជនមុនពេលធ្វើដំណើរ ។ ជាមួយគ្នានេះ តំណាងក្រុមហ៊ុន ឡារីតា ខាងលើក៏បានអំពាវនាវដល់អតិថិជនរបស់ខ្លួន និងប្រជាពលរដ្ឋកម្ពុជាទាំងអស់បន្តគាំទ្រក្រុមហ៊ុនដឹកជញ្ចូនអ្នកដំណើរ ឡារីតា បន្តទៀត ហើយត្រូវធ្វើអនាម័យ និងការពារខ្លួនតាមការណែនាំរបស់ក្រសួងសុខាភិបាលជាប់ជាប្រចាំ ។
គួររំលឹកថា ឡារីតា អភិវឌ្ឍន៍កម្រិតនៃការធ្វើដំណើរប្រកបដោយបទពិសោធន៍ខ្ពស់ និងឈានមុខគេនៅកម្ពុជា រួមទាំងការផ្តល់ជូននូវរថយន្តទំនើបៗរួមជាមួយអ្នកបើកបរដែលមានជំនាញច្បាស់លាស់ និងសុជីវធម៌ល្អ ។ ផ្តល់ជូននូវការធ្វើដំណើរជារៀងរាល់ថ្ងៃក្នុងគោលដៅ ភ្នំពេញ សៀមរាប និងខេត្តព្រះសីហនុ ដោយអតិថិជន អាចទិញសំបុត្ររថយន្តតាមរយ: Larryta Express App រួចធ្វើការទូទាត់ប្រាក់តាមរយ:គណនី ABA, Wing, True Money, PiPay, Visa Card, Master Card បានផងដែរ ៕
អត្ថបទ និង រូបភាព៖ អ៊ុន ណារាជ្យ
